20.09.2012 / 09:48

Нямеччына, Польшча, Францыя і Італія хочуць ператварыць ЕС у федэрацыю 38

Міністры замежных справаў 11 краін ЕС рыхтуюць прапанову рэзкай цэнтралізацыі ўлады.

Група па пытаннях будучыні Еўрапейскага саюза, у якую ўваходзяць міністры замежных справаў 11 краін — Аўстрыі, Бельгіі, Нямеччыны, Даніі, Іспаніі, Італіі, Люксембурга, Нідэрландаў, Польшчы, Партугаліі і Францыі — выступіла з радыкальным праектам рэформы. Згодна з ім,

у ЕС прапануецца ўвесці пост абіранага ўсеагульным галасаваннем прэзідэнта, стварыць агульнаеўрапейскі МЗС, пачаць выдаваць адзіныя для ўсяго ЕС візы і нават разгледзець магчымасць фармавання адзінага еўрапейскага войска,
паведамляюць брытанскія СМІ.

«Каб Еўропа была рэальнай дзейнай асобай і глабальным лідарам, яна павінная мець моцную структуру інстытутаў, — гаворыцца ў супольнай заяве міністраў замежных справаў Нямеччыны і Польшчы Гіда Вестэрвеле і Радаслава Сікорскага. — Для гэтага патрэбны прэзідэнт, які выбіраецца наўпрост і які будзе асабіста прызначаць чальцоў еўрапейскага ўрада».

Акрамя таго,

у выпадку прыняцця дадзенай рэформы будзе адмененае права вета, якое цяпер маюць асобныя краіны ЕС у пытаннях замежнай палітыкі і бяспекі, а таксама пры ратыфікацыі агульнаеўрапейскіх дамоваў.
Такім чынам, асобным краінам давядзецца прымаць падтрыманыя большасцю замежнапалітычныя меры, нават калі самі яны з імі не згодныя.

Праект таксама прадугледжвае ўзмацненне паўнамоцтваў ведамства вярхоўнага прадстаўніка Еўрасаюза па замежных справах і палітыцы бяспекі і ператварэнне яго ў паўнавартаснае агульнаеўрапейскае дыпламатычнае ведамства.

Прадугледжваецца і стварэнне адзінага паліцэйскага органа, які будзе займацца кантролем межаў ЕС,
а таксама фармаванне ў Еўрапарламенце спецыяльнай палаты дэпутатаў з краін зоны еўра, якая будзе займацца разглядам мераў што да адзінай валюты.

У сваю чаргу,

ідэя фармавання адзінага еўрапейскага войска пакуль выклікае супярэчлівую рэакцыю: яе падтрымалі нават не ўсе чальцы групы па пытаннях будучыні ЕС.
Таму пра гэтае магчымае новаўвядзенне ў дакуменце гаворыцца вельмі асцярожна: «Мэтай ёсць фармаванне еўрапейскай абароннай палітыкі, якая ўключае адзіныя намаганні ў сферы вайсковай прамысловасці, у тым ліку стварэнне адзінага рынку ўзбраенняў. Для некаторых краін-чальцоў групы гэта з часам будзе азначаць стварэнне еўрапейскай арміі».

Тым часам, як адзначае The Daily Telegraph,

у Вялікабрытаніі, якая не ўдзельнічала ў дзевяцімесячным абмеркаванні і складанні праекта «новага Еўрасаюза», перспектыва цэнтралізацыі ўлады і страты краінай права вета ўжо спарадзіла прадказанні аб «канцы Вялікабрытаніі як незалежнай дзяржавы», а таксама ўзмацніла настроі на карысць правядзення рэферэндуму з нагоды членства краіны ў структурах ЕС,
за што выступаюць многія дэпутаты ад кіроўнай Кансерватыўнай партыі.

0
Сваяк / Адказаць
20.09.2012 / 09:55
Новая краіна ФЕ- федератыўная Еўропа.
0
Жора, где ты был? / Адказаць
20.09.2012 / 10:00
Эўра-маразм дасягнуў апагея. Тым больш дзіўна бачыць Польчу сярод ініцыятараў. Забыліся ўжо ляхі, як ніхто не хацеў паміраць за Данцыг? Прэзідзент адзіны, камандваньне і МЗС адзінае. А як ваяваць прыйдзецца - "уу не, тут вы без нас, sorry".
0
Андрей / Адказаць
20.09.2012 / 10:04
ЕС превращается в новый СССР. Печально.
Паказаць усе каментары/ 38 /
Каб пакінуць каментар, калі ласка, актывуйце JavaScript у наладах свайго браўзеру