На днях адбылося пасяджэнне Мінгарвыканкама, дзе разглядаліся пытанні функцыянавання, ход рэканструкцыі і мадэрнізацыі сталічных рынкаў. «Рынкі ёсць і будуць, але яны павінны працаваць высокаэфектыўна, якасна, гэтак жа як і буйныя гандлёвыя аб’екты», — адзначыў Мікалай Ладуцька.
. Таксама старшыня Мінгарвыканкама звярнуў увагу на тое, каб жыхарам Беларусі не стваралася ніякіх перашкод для рэалізацыі сваёй прадукцыі.У цэнтры ўвагі павінны быць рух наяўных грашовых сродкаў, мігранты, эфектыўнасць працы
санітарна-эпідэміялагічных службаў, падатковых і праваахоўных органаў
На тэрыторыі Мінска функцыянуюць 27 рынкаў, у тым ліку восем належаць ТАА «Гандлёвы дом «Ждановічы». З іх сем рэчавых («Дынама», «Вернісаж», «Цэнтральны рынак будматэрыялаў», чатыры рынкі на Ждановічах), тры харчовыя, два заабатанічныя, 15 мяшаных рынкаў. Агульная колькасць гандлёвых месцаў на рынках сталіцы перавышае 21 тыс., у тым ліку ў ТАА «Гандлёвы дом «Ждановічы» налічваецца больш за 6,1 тыс. гандлёвых месцаў.