Nacyjanalizacyja cementavaha zavodu
Dola dziaržavy ŭ statutnym fondzie AAT “Krasnasielskbudmateryjały” budzie pavyšanaja da 70%. Hetaje pradpryjemstva — najbujniejšy ŭ krainie vytvorca cementu. Ale navat rost vytvorčaści ŭ siarednim na 10—13% u paraŭnańni ź minułym hodam nie dazvoliŭ zavodu raźličycca z daŭhami. Zapazyčanaść pa płaciažach u biudžet “Krasnasielsk-budmateryjały” pakryje 476 267 633 svaimi akcyjami na ahulnuju sumu bolš za 13,8 młrd rubloŭ.
Kryzis «Haryzontu»
Flahman biełaruskaj pramysłovaści, mienski zavod “Haryzont” za apošnija dva miesiacy rezka źmienšyŭ abjomy prodažaŭ. Televizary, jakija sabranyja na hałoŭnaj placoŭcy na vuł. Čyrvonaj, užo niama kudy stavić. U Rasieju, hałoŭny rynak zbytu pradukcyi, z pačatku traŭnia pajšło tolki niekalki fur. Avans rabotnikam “Haryzontu” nie vydajecca, a zarobak apošnija dva miesiacy jany atrymlivajuć sa spaźnieńniem.
Łom na ekspart
Šerah bujnych pradpryjemstvaŭ atrymali prava ekspartavać łom i adkidy čornych i kalarovych metałaŭ biez pasrednika. Ščaśliŭčykami stali handlovy dom kancernu “Biełresursy”, MTZ, MAZ, BiełAZ i Mienski matorny zavod. Hrošy, atrymanyja ad prodažu adkidaŭ, daviadziecca nakiravać na nabyćcio novaha abstalavańnia dla metałaapracoŭki. Raniej uvieś ekspart ździajśniaŭsia praz adnaho pasiarednika — TAA “Svkortranzyt”, jakoje ŭvachodzić u skład pradpryjemstva “Biełaruskija druhasnyja resursy”.
Piečy na haryzoncie
1 červienia “Haryzont” raspačaŭ zborku mikrachvalevych piečaŭ. Vytvorčaść raźmiaściłasia na zavodzie “Bielit” u Pastavach. Kali pradpryjemstva razhorniecca na poŭnuju mahutnaść, u hod buduć vyrablać paŭmiljona piečaŭ. Pra canu mikrachvalovak pakul ničoha nie viadoma — na zavodzie kažuć tolki, što jany składuć kankurencyju zamiežnym analaham.
Kantrolnyja nalepki
U chutkim časie ŭsie CD dy pakunki z harbataj pavinny buduć mieć admysłovuju markiroŭku — nalepki, padobnyja da tych, jakija klejać na butelki ź pivam. Takim čynam urad sprabuje zmahacca ź cieniavym impartam dy pavysić prytok adličeńniaŭ PDV z tavaraŭ, što traplajuć u krainu praź miažu z Rasiejaj. Uviadzieńnie abaviazkovaj markiroŭki piva dy alivy kantrolnymi znakami ŭžo pavysiła pastupleńni ak-cyznych zboraŭ u 3—4 razy.
Znoŭ źnižeńnie staŭki
Čaćvierty raz sioleta Nacbank źnižaje staŭku refinansavańnia. Z 1 červienia jana składaje 13% hadavych. Kiraŭnictva hałoŭnaha banku krainy tłumačyć heta zapavoleńniem inflacyi: sioleta za studzień—krasavik ceny padnialisia ŭ siarednim na 3,2%, a letaś za taki samy peryjad — na 6,3%.
Biełaruski flot
Ajčynny marski flot budzie prypisany da Kłajpiedy. Pra heta havaryli ŭ aŭtorak na pres-kanferencyi ŭ Miensku namieśnika ministra transpartu i kamunikacyj Uładzimiera Ŭłasienia. Pa słovach čynoŭnika, Biełaruś viała pieramovy z Ukrainaj, Litvoj, Polščaj. Vybrali Litvu — Kłajpiedzki port bližej za inšyja dy nie zamiarzaje ŭzimku. Ciapier zastajecca prydbać jak minimum dva marskija sudny — adno hruzaźmiaš-čalnaściu 30 ton, druhoje — 3—6 ton. Košt sudna — $25—30 młn. Karaloŭ akijanu nabuduć za košt kredytaŭ biełaruskich bankaŭ.
AFN, «Interfaks», AK, «Biełorusskaja diełovaja hazieta»
