Rasieja padvyšaje canu na haz
Rasieja ŭ najbližejšy čas ustaluje suśvietnyja ceny na enerhanośbity dla ŭsich krainaŭ, u tym liku «svaich chaŭruśnikaŭ». Pra heta zajaviŭ kiraŭnik rasiejskaha MZS Siarhiej Łaŭroŭ. «Hazprom» maje padvysić canu na dadatkovyja 1,4 młrd kubametraŭ hazu, jakija Biełaruś nabyvaje ŭ nastupnym hodzie, da siarednieeŭrapiejskich taryfaŭ. A z 2007 hodu «Hazprom» maje padvysić canu na ŭvieś haz, jaki idzie ŭ Biełaruś.
BCHK zhortvajecca ŭ Homieli
Homielskaja filija RHA «Biełaruski Chelsynski kamitet» spyniaje dziejnaść. Rašeńnie ab likvidacyi ŭsich rehijanalnych strukturaŭ pryniała Rada hramadzkaha abjadnańnia z-za składanaściaŭ ź jurydyčnymi adrasami. Ciapier zamiest BCHK u vobłaści budzie dziejničać rehijanalny pradstaŭnik, bo patreba ŭ abaronie pravoŭ i svabodaŭ čałavieka na Homielščynie tolki ŭzrastaje.
Kupała na Kutuzaŭskim
Pomnik Janku Kupału ŭ Maskvie pastavili na pastament na Kutuzaŭskim praspekcie. Jak paviedamili «NN» u Ministerstvie kultury Biełarusi, aficyjnaje adkryćcio pomnika zaplanavana na viasnu. Pryčynu zatrymki rabotniki viedamstva paraili šukać u stalicy susiedniaj dziaržavy: «U Maskvie tak vyrašyli».
Na zimoŭku
U rejtynh-liście Mižnarodnaj federacyi futbołu (FIFA), raspaŭsiudžanym 19 kastryčnika, zbornaja Biełarusi padniałasia na adnu prystupku i zajmaje 70-je miesca. Za čatyry tydni zbornaja atrymała pieramohu nad Šatlandyjaj i parazu ad Narvehii. Pieršaje miesca pa-raniejšamu trymaje Brazylija. Zbornaja Polščy — 23-ja, Rasieja — 30-ja, Ukraina — 39-ja. Da kanca hodu zbornaja Biełarusi nia maje matčaŭ, tamu da studzienia moža tolki panizicca ŭ tabeli.
AR, svaboda.org, belngo.info