30 maja byŭ uzłamany sajt haziety «Homielskaja praŭda». Jak paviedamili karespandentu «Źviazdy» ŭ redakcyi abłasnoha vydańnia, na pieršaj staroncy sajta źjavilisia nadpisy «nieprystojnaha źmiestu». Adnak praź niekatory čas redakcyi ŭdałosia vyličyć chakiera.
Pavodle słoŭ karespandenta «Homielskaj praŭdy» Dzianisa Svirydzienki, u vyniku rasśledavańnia, praviedzienaha redakcyjaj, udałosia vyśvietlić, što škodu sajtu nanios 15‑hadovy žychar horada. Junak paviedamiŭ, što zrabiŭ heta dziakujučy videaroliku, jaki byŭ zrobleny nieviadomym i źmieščany ŭ adnoj z chatnich łakalnych kampjutarnych sietak. Hety videarolik utrymlivaŭ padrabiaznuju instrukcyju pa ŭzłomu sajta haziety. Dzianis Svirydzienka dadaŭ, što redakcyja nie znajšła aŭtara videarolika. Choć «jość mierkavańnie, što jon žyvie ŭ tym ža rajonie», u jakim znachodziłasia łakalnaja sietka. Što da škody, jakaja była naniesiena sajtu, to jana była likvidavana prykładna praz paŭhadziny paśla ŭzłomu.
