U Minsku kala škołaŭ i himnazij pačynajuć ustaloŭvać darožnyja znaki 3.2 «Ruch zabaronieny» i 3.24.1 «Abmiežavańnie maksimalnaj chutkaści» (5 km/h).Sprava ŭ tym, što na padjezdach da niekatorych navučalnych ustanovaŭ u svoj čas byli vystaŭlenyja, čaściej za ŭsio samavolna, znaki 3.1 «Ujezd zabaronieny», što nie zusim da miesca. Bo pad «cehłu» ŭ pryncypie nielha zajazdžać, u tym liku i kiroŭcam, jakija štodnia padvoziać da škoł pradukty charčavańnia abo zabirajuć śmiećcie. Vychodzić, jany parušajuć praviły darožnaha ruchu. Tamu ŭ DAI vyrašyli demantavać «cahliny», a zamiest ich ŭstalavać znak «Ruch zabaronieny». Darečy,
pad hety znak, zhodna z Praviłami darožnaha ruchu, mohuć jechać transpartnyja srodki darožna-ekspłuatacyjnaj i kamunalnaj słužbaŭ, aŭtamabili z nachilnaj biełaj pałasoj na bartach, jakija absłuhoŭvajuć handlovyja i inšyja arhanizacyi, raźmieščanyja ŭ paznačanaj zonie, a taksama transpartnyja srodki, jakija naležać hramadzianam, jakija pražyvajuć abo pracujuć u hetaj zonie.
0
0
0
0
0
0
