Raspačata drukavańnie faksimile Połackaha Jevanhiella kanca CHII — pačatku CHIII st. 5

4 śniežnia ŭ Minsku, u techničnym centry «SNAMI», uračysta zapuščana drukavańnie faksimile adnaho z najstaražytniejšych pomnikaŭ ajčynnaj knižnaj kultury — znakamitaha Połackaha Jevanhiella kanca CHII — pačatku CHIII stahodździa.

Akcyja prajšła ŭ miežach Hoda knihi i prymierkavana da 1150-hodździa Połacka. Hety prajekt źjaŭlajecca vynikam sumiesnaj piacihadovaj dziejnaści Nacyjanalnaj biblijateki Biełarusi, Nacyjanalnaj akademii navuk, vydaviectva Biełaruskaha ekzarchata i mižnarodnaha dabračynnaha fondu «Siamja — Jadnańnie — Ajčyna».

Pavodle słoŭ namieśnika dyrektara NBB pa navukovaj pracy i vydavieckaj dziejnaści kandydata kulturałohii Alaksandra Sušy, Połackaje Jevanhielle — unikalny pomnik słavianskaj piśmiennaści, jaki pakazvaje hłybokija karani pravasłaŭnych tradycyj na biełaruskaj ziamli.

«Takich staražytnych knih u nas bolš niama, — adznačyŭ jon. — Možna ŭspomnić chiba što Turaŭskaje Jevanhielle, jakoje dajšło da nas tolki ŭ dziesiaci staronkach.

Tut ža my majem poŭnaabjomnuju knihu, jakuju niezdarma zavuć pieršaknihaj biełaruskaha naroda — u joj znajšli adlustravańnie hłybokija tradycyi našaj piśmiennaści».

Połackaje Jevanhielle ŭjaŭlaje saboju rukapisnuju knihu ŭ vyhladzie kodeksa, jakaja składajecca z 172 listoŭ pierhamientu. Tekst napisany staražytnaj formaj kirylicy, jakaja vykarystoŭvałasia ŭ rańnich rukapisach jak vid najbolej uračystaha lista. Vialikuju cikavaść ujaŭlaje afarmleńnie knihi, a taksama natatki i ŭkładnyja zapisy pałačan CHIII-XIV stahodździaŭ, jakija zachavali asablivaści žyvoj movy našych prodkaŭ.

Siońnia relikvija znachodzicca pa-za terytoryjaj Biełarusi i mała dastupnaja navat dla daśledčykaŭ. Asnoŭnaja častka ŭnikalnaha knižnaha pomnika zachoŭvajecca ŭ zbory Rasijskaj nacyjanalnaj biblijateki ŭ Sankt-Pieciarburhu, jašče dva listy — u fondach Rasijskaj dziaržaŭnaj biblijateki ŭ Maskvie.

Faksimile dazvolić maksimalna aŭtentyčna ŭznavić źniešni vyhlad i aryhinalnuju strukturu knižnaha pomnika, viarnuć jaho ŭ kulturnuju prastoru Biełarusi, zrabić jaho pa-sapraŭdnamu nacyjanalnym zdabytkam.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH