Pra heta 5 śniežnia paviedamiŭ sajt redstarbelgrade.info. Nastaŭnik BATE razhladajecca siarod kandydataŭ, chto moža źmianić Alaksandra Jankaviča.
Siarod inšych pretendentaŭ nazyvajecca Miłavan Rajevac, ispancy Viktar Muńjos i Chase Mary Bakiera.Viktara Hančarenku pradstaŭlajuć, jak adnaho z najlepšych maładych trenieraŭ Jeŭropy. Jak plus Hančarenki nazyvajecca, što jon pastaviŭ vydatnuju fizičnuju padrychtoŭku, dyscyplinu i hulniu na kontratakach.
«Hančarenka źjaŭlajecca bolš tannym varyntam u paraŭnańni z Muńjosam, i nakolki my viedajem, jon sam zacikaŭleny ŭ pierachodzie ŭ «Crvienu Źviezdu», — paviedamlaje sajt.U hrupie fanataŭ biełhradskaha kłuba ŭ Fejsbuku taksama idzie abmierkavańnie, kaho b jany chacieli bačyć trenieram kamandy. Zdajecca, sierby ź niedavieram staviacca da ispancaŭ. A voś Hančarenka i Rajevac nabirajuć amal adnolkavuju kolkaść hałasoŭ.
«Crviena Źviezda» — samy tytułavany kłub Sierbii, navat pieramahaŭ u Kubku čempijonaŭ (1991), ale apošnija hady znachodzicca ŭ cieni jašče adnoj staličnaj družyny «Partyzana».Darečy, nievialiki dośvied pracy ź sierbami Hančarenka maje. U jaho kamandzie vystupaje centralny abaronca Marka Simič.
0
0
0
0
0
0
