U Minsku 7 śniežnia adbyłasia sustreča ministra zamiežnych spraŭ Biełarusi Uładzimira Makieja z pasłom Finlandyi ŭ Litvie i Biełarusi (pa sumiaščalnictvie) Mar'jaj-Liisaj Kiljunien.
Jak paviedamiła pres-słužba biełaruskaha źniešniepalityčnaha viedamstva, Makiej i Kiljunien abmierkavali pytańni dvuchbakovych adnosin, uklučajučy stan i pierśpiektyvy realizacyi najbolej važnych dvuchbakovych ekanamičnych prajektaŭ. Zakranałasia i tematyka ŭzajemadziejańnia pamiž Respublikaj Biełaruś i Jeŭrapiejskim sajuzam.
Makiej vykazaŭ padziaku Kiljunien, jakaja sioleta zaviaršaje svaju pracu ŭ jakaści pasła Finlandyi ŭ Biełarusi, za jaje ŭniosak u raźvićcio biełaruska-finlandskich adnosin, što atrymali ŭ apošnija hady značnuju dynamiku.
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH