Alaksandr Łukašenka pavinien paŭstać pierad Mižnarodnym kryminalnym sudom u Haazie za złačynstvy suprać čałaviečnaści. Takoje mierkavańnie ŭ intervju radyjostancyi «Hołas Amieryki» vykazaŭ staršynia Chielsinkskaj kamisii ŭ kanhresie ZŠA Krystafier Śmit pa vynikach mierapryjemstva, pryśviečanaha druhoj hadavinie razhonu demanstracyi ŭ Minsku 19 śniežnia 2010 hoda.
«Dla taho kab źmianić situacyju z parušeńniem pravoŭ čałavieka ŭ Biełarusi, suśvietnyja lidery pavinny sistematyčna pryciahvać uvahu da stanovišča spraŭ u respublicy», — padkreśliŭ jon.
Na dumku Śmita, ZŠA pavinny ŭzmacnić padtrymku hramadzianskaj supolnaści ŭ Biełarusi.«U śviatle represij absalutna nieabchodna, kab urad ZŠA nie prosta praciahvaŭ padtrymlivać hramadzianskuju supolnaść i pravaabaroncaŭ, ale i pavialičyŭ takuju padtrymku. My taksama pavinny pryciahnuć da adkaznaści samoha Łukašenku i jaho pasłuhačoŭ za toje, jak jany abychodziacca z palityčnymi źniavolenymi i ludźmi, jakija zmahajucca za svabodnuju Biełaruś», — zajaviŭ Śmit, vystupajučy na pasiadžeńni.
Jak paviedamlaje «Hołas Amieryki», ź Biełarusi dla ŭdziełu ŭ słuchańniach pryjechali staršynia HA «Biełaruskaja asacyjacyja žurnalistaŭ» Žanna Litvina, pravaabaronca Taćciana Raviaka i Natalla Pinčuk — žonka palitviaźnia,
0
0
0
0
0
0