Dźvie z pałovaj hadziny milicyjaniery, supracoŭniki MNS i jehiery siońnia nočču šukali ŭ Tałačynskich lasach minčanina.
Paviedamleńnie pra zabłukałaha ŭ lesie kala vioski Pańkavičy Tałačynskaha rajona pastupiła ŭ dziažurnuju častku RAUS siońnia ŭ 3.50 ź Minska.
Jak akazałasia, mužčyna 1958 hoda naradžeńnia, jaki śpiašaŭsia na pachavańnie maci, syšoŭ ź ciahnika na stancyi Čyrvonaja Horka i nakiravaŭsia praź les u viosku Pańkavičy, spadziejučysia skaracić darohu.
Adnak znajści letnija ściažynki ŭ zaśniežanym lesie było nie pad siłu.
Prabłukaŭšy kala čatyroch hadzin, jon patelefanavaŭ žoncy ŭ Minski raspavioŭ, što nie moža znajści darohu. Žonka źviazałasia z Tałačynskim RAUS. Na pošuki skiravalisia supracoŭniki milicyi z vyšukovym sabakam, supracoŭniki MNS, byli pryciahnutyja jehiery, dźvie aŭtamašyny. Suviaź z mužčynam padtrymlivałasia z dapamohaj mabilnaha telefona.
Na žal, da hetaha času jon užo źniasileŭ i nie moh ni raspalić vohnišča, ni iści na sihnały mašyn, jakija jamu davalisia.Adšukać jaho ŭ zaśniežanym lesie nočču ludziam było niaprosta — dapamoh vyšukovy sabaka, jaki vyjšaŭ na śled i pryvioŭ dvuch supracoŭnikaŭ milicyi. U 06.30 minčanin byŭ znojdzieny.
Niekalki hadzin spatrebiłasia milicyjanieram, kab dastavić mužčynu da bližejšaha nasielenaha punkta, kudy vyklikanaja bryhada lekaraŭ. Jak paviedamili ŭ Tałačynskim RAUS, zaraz vyratavalnaja apieracyja padychodzić da zaviaršeńnia: lekary z chviliny na chvilinu čakajuć paciarpiełaha i jaho ratavalnikaŭ, kab akazać im nieabchodnuju dapamohu.
0
0
0
0
0
0
