Dzie adahreć zamierzły aŭtamabil: 6 ciopłych parkinhaŭ Minska + mapa 1

Marazy ŭzmacniajucca, a značycca ŭžo siońnia mnohija ŭładalniki dyzielnych aŭtamabilaŭ buduć šukać dla svajoj mašyny ciopłuju načoŭku.

«Naša Niva» sabrała adrasy šaści parkinhaŭ Minska, dzie aŭto dakładna nie zamierźnie. Paśpiašajciesia zabraniravać miesca — paśla achvotnych stanie jašče bolš.

Samy viadomy padziemny parkinh — u handlovym centry «Stalica» (płošča Niezaležnaści, zajezd-vyjezd) z boku vulicy Miaśnikova).

Mienavita da jaho ŭ marazy ściakajucca dziasiatki aŭtamabilistaŭ, kab adstajać niemałuju čarhu, i prytknuć-taki svaju mašynu.

U «Stalicy» dyfierencyjanavanaja sistema apłaty. Adstajaŭšy mienš čym paŭhadziny, treba zapłacić 10 tysiač rubloŭ. Stajanka ad 30 da 60 chvilin kaštuje ŭdvaja daražej. Kožnaja nastupnaja hadzina kaštuje tysiaču rubloŭ — 21 000, 22 000, 23 000, 24 000. Paśla piaci hadzin stajańnia taryf pavialičvajecca da dźviuch tysiač rubloŭ za hadzinu. Karaciej,

za sutki daviadziecca vykłaści 62 tysiač rubloŭ.

Kali b vy źviarnulisia na parkinh letam, možna było b zareziervavać sabie miesca — 400 tysiač rubloŭ za miesiac. Adnak ciapier pozna, usie takija miescy zaniatyja.

Rušym pa horadzie dalej.

Jašče adzin ciopły parkinh niepadaloku ad centra horada abstalavany pad HC «Jeŭropa» na vulicy Surhanava, 57B.

Tut stajanka na miesiac kaštuje tyja samyja 400 tysiač rubloŭ, ale miescaŭ, viadoma ž, užo niama. Možna raźličvać tolki na karotkaterminovuju stajanku. Pieršaja hadzina — 10 tysiač rubloŭ, nastupnyja — pa 1000 rubloŭ.

Treci karysny adras — centr Toyota na Majakoŭskaha, 2. Pasprabavać pakinuć aŭto možna na tamtejšym šmatpaviarchovym parkinhu.

Jość i jašče adna mahčymaść adahrecca. Heta tak zvanyja haražnyja kaapieratyvy.

Bolšaść miescaŭ tam vykuplenaja aŭtamabilistami, ale staić pustaja. Inšych kiroŭcaŭ puskajuć na svaich mašynach chacia b pastajać u prajezdach — hetyja parkinhi taksama ciopłyja.

Adzin ź ich, «Aŭtachoł», znachodzicca na vulicy Francyska Skaryny, 4v. Kab pastajać da ranicy, treba zapłacić usiaho 20 tysiač rubloŭ. Ale lepš spraŭdzić, ci zastalisia svabodnyja miescy pa haradskim telefonie 267 27 81.

Kala biznes-centra «XXI stahodździe», pa darozie na Uručča, jość kaapieratyŭ "Kłakson". Dakładny adras — Niezaležnaści, 165 (267 24 98).

Možna pasprabavać trapić i ŭ toj, što nazyvajecca «Aeradromnaja-3». Jahony adras — Vaładźko, 30. Kantaktny haradski numar — 209 46 24.

Jahor Marcinovič

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH