Alimpijskaja čempijonka i čempijonka śvietu,15-hadovaja Ruta Miejłucite, lidziravała na arhanizavanych treci raz partałam Delfi i časopisam Valstybė vybarach Čałavieka hoda. Taki tytuł joj prysvoiła bolšaść čytačoŭ partała.
Ruta Miejłucite sa svajoj babulaj Aldonaj.
Svajo mierkavańnie na vybarach Čałavieka hoda vykazali 44 103 čytačy. Za Miejłucite prahałasavali 51% (24 479 hałasoŭ). Na druhim miescy — prezident Litvy Dala Hrybaŭskajcie (5918 hałasoŭ, na trecim — jeŭraparłamientar Vitaŭtas Łandśbierhis (4 311).
Miejłucite naminavanaja na vybarach Čałavieka hoda «Za samuju vialikuju niečakanaść i padstavu hanarycca Litvoj».15-hadovaja spartsmienka ŭ hetym hodzie ździviła vynikami ŭvieś śviet.
Litoŭka pieramahła na Łondanskaj alimpijadzie ŭ spabornictvach na 100 m brasam i stała alimpijskaj čempijonkaj. Paru tydniaŭ tamu ŭ Stambule (Turcyja) na čempijanacie śvietu pa płavańni na karotkaj vadzie (u basiejnie 25 m) jana zavajavała try miedali — dva załatyja i adzin siarebrany.
0
0
0
0
0
0
