Staršynia Drahičynskaha rajvykankama nabyvaje aŭto za $47 tysiač 70

Drahičynski rajvykankam vyrašyŭ abnavić svoj park. «Dla słužbovych pajezdak» kiraŭnictvu rajona patrebnaje pradstaŭničaje aŭto za $47 tysiač.

Admietna, što

staršynia rajvykankama Juryj Dziadziuk na svajoj pasadzie pracuje trochi bolš za miesiac.

Jahonaha papiarednika Vasila Chvacika pieraviali ŭ Baranavicki rajon.

Hyundai Santa Fe Comfort 4WD — vybar surjoznych ludziej.

Taki ž, tolki čorny, budzie raśsiakać vioski Drahičynščyny.

Staršynia Drahičynskaha rajvykankama Juryj Dziadziuk pačynaje hod bieražlivaści na šyrokuju nahu.

Aŭkcyjonnuju prapanovu Dziadziuk zaćvierdziŭ praz adzin miesiac i adzin dzień paśla svajho pryznačeńnia.

Śpis patrabavańniaŭ zusim trochi nie daciahnuŭ da dźviuch staronak. Ale hałoŭnaje, kab byli kompas i futarał dla akularaŭ.

Na sajcie dziaržaŭnych zakupak źjaviłasia prapanova, dziejsnaja da 10 studzienia 2013 hoda.

Čynoŭniki chočuć nabyć aŭtamabil Hyundai Santa Fe Comfort 4WD treciaha pakaleńnia ci anałah. Pačatkovy košt — 400 miljonaŭ rubloŭ ($47 tysiač). Krynica finansavańnia — rajonny biudžet.

Patrabavańni da kamplektacyi raściahnulisia na dźvie staronki. Styrno i ryčah karobki pieradač musiać być abciahnuty skuraj, a centralny padłakotnik abaviazkova być z achałodžvalnym adsiekam.

Treba praduhledzieć elektryčna zaciamnialnaje lusterka zadniaha vidu z kompasam (!), lampa dla čytańnia mapaŭ, i «futarał dla akularaŭ u stolevaj kansoli».

Čynoŭniki chočuć ciomna-šera ci čorny aŭtamabil z čornym sałonam.

Dakumient padpisany zaŭhaspam rajona Alaksandram Tynkovičam.

Pavodle aficyjnaj statystyki,

Drahičynski rajon — adzin z samych biednych na Brestčynie. Pa ŭzroŭni zarobkaŭ jon zajmaje 13-je miesca z 16 rajonaŭ.

Horš tolki ŭ Stolinie, Małarycie i Hancavičach. Siaredni zarobak u Drahičynskim rajonie za studzień-kastryčnik 2012 hoda skłaŭ 2 675 700 rubloŭ.

Kab sabrać patrebnyja 400 miljonaŭ rubloŭ, rabotniku ź siaredniaj zarpłataj daviałosia b adkładać hrošy da 2025 hoda, pry hetym ničoha nie kuplajučy.

Ciapier niekalki słovaŭ pra Hyundai Santa Fe Comfort 4WD. Patrabavańniam Juryja Dziadiuka častkova adpaviadajuć madeli Comfort ci Style. Jany ŭ zaležnaści ad kamplektacyi kaštuje ŭ dylera $42 900-$48 500. Heta paŭnapryvadny 5-7-miascovy ŭniviersał. Ruchavik bienzinavaj madeli — 2,4 ł.

Da 100 km/h staršynia rajvykankama zmoža razhaniacca za 11,4 siekundy. A maksimalnaja chutkaść aŭtamabila — 190 km/h.

U prodaž aŭtamabil pastupiŭ niekalki miesiacaŭ tamu.

Hyundai — marka ź niedarahich. Ale staršynia rajvykankama moh by padabrać sabie ŭsiedarožnik i jašče tańniejšy: prynamsi, na 5—10 tysiač dalaraŭ, dy biez prybambasaŭ.

Jahor Marcinovič

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH