U 2013 najlepš naradžacca ŭ Šviejcaryi 2

Zhodna z prahnozam, składzienym ahienctvam Economist Intelligence Unit (EIU), Šviejcaryja znachodzicca na pieršym miescy siarod 80 krain, dzie dzieciam lepš za ŭsio naradzicca ŭ 2013 h.

Paśpiachovy inviestar Uoren Bafiet niejak adznačyŭ, što šmat u čym svaim pośpiecham abaviazany taho, što jamu pašancavała naradzicca ŭ patrebnaj krainie (ZŠA) i ŭ patrebny čas (1930 hod).

Zaraz ža ahienctva Economist Intelligence Unit (EIU), daččynaja kampanija The Economist, bolš detalova padličyła, dzie lepš za ŭsio naradzicca dziciaci ŭ 2013 hodzie z ulikam taho, što da 2030 hoda jano stanie darosłym.

Hety indeks krain zasnavany na subjektyŭnych daśledavańniach taho, nakolki ludzi ŭ peŭnych dziaržavach pačuvajucca ščaślivymi i abjektyŭnych pakazčykach uzroŭniu žyćcia. Być bahatym — adna z asnoŭnych detalaŭ, ale uličvajucca i takija aśpiekty jak złačynnaść, davier da dziaržaŭnych ustanovaŭ i h.d. U raźlik prymajucca 11 pakazčykaŭ, naprykład, hieahrafija, demahrafija, sacyjalnyja i kulturnyja charaktarystyki.

Paśla ŭsich padlikaŭ na vierchniaj pazicyi apynułasia Šviejcaryja, na druhoj — Aŭstralija, na treciaj — Narviehija.

U pieršuju dziasiatku taksama ŭvajšli Šviecyja, Danija, Sinhapur, Novaja Ziełandyja, Niderłandy, Kanada i Hankonh.

Hiermanija i ZŠA — 16-ja, Polšča — 33-ja, Słavakija — 35-ja.

Estonija znachodzicca na 44-j pazicyi, Łatvija — na 48-j, Litva — na 57-j. Rasija — 72-ja pamiž Indaniezijaj i Siryjaj, Ukraina — 78-ja, Kienija — 79-ja, Nihieryja — 80-ja.

Biełaruś u śpis z 80 krain nie ŭvajšła.

Delfi.lt

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH