U Baranavičach śviatočnaje zastolle skončyłasia panažoŭščynaj

Adzin z haściej nanios 22-hadovamu haradžaninu dva nažavyja ranieńni ŭ hrudzi. Ad atrymanych traŭmaŭ małady čałaviek pamior na miescy zdareńnia.

Trahiedyja adbyłasia ŭ adnoj z kvater pa praśpiekcie Savieckamu. Jak paviedamili ŭ Baranavickim mižrajonnym adździele Śledčaha kamiteta, zvanok ź infarmacyjaj pra śmierć haradžanina pastupiŭ u milicyju kala paŭnočy 3 studzienia ad lekara «chutkaj dapamohi». Na ciele zahinułaha, 22 hadovaha žychara Baranavičaŭ, vyjaŭlenyja dva nažavyja ranieńni ŭ hrudzi.

«U kvatery znachodziłasia kampanija haściej. Što adbyłosia, ci była svarka — dakładna pakul nieviadoma. Viadziecca rasśledavańnie», —

karotka raspavioŭ namieśnik načalnika Baranavickaha mižrajonnaha adździeła Śledčaha kamiteta RB Śviatasłaŭ Barmocin.

U ździajśnieńni złačynstva padazrajecca 24-hadovy žychar Baranavičaŭ, jaki zatrymany. Pa papiarednich dadzienych śledstva, zahinuły byŭ ćviarozy, z padazravanym jany raniej nie byli znajomyja.

Pa dadzienym fakcie 4 studzienia raspačataja kryminalnaja sprava pa č. 3 art. 147 KK RB (naŭmysnaje pryčynieńnie ciažkaha cialesnaha paškodžańnia, jakoje paciahnuła śmierć). Kali vina haradžanina budzie dakazanaja, jamu moža pahražać da 15 hadoŭ pazbaŭleńnia voli.

Intex-press.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH