Pa fakcie źniknieńnia tabielnaj zbroi viadziecca pravierka. Ale čutki chodziać takija: staršy lejtenant zastupiŭ na dziažurstva i tolki, kali pryjšoŭ čas abiedu, zaŭvažyŭ, što kudyści padzielisia pistalet, kabura i papruha. Miarkujuć, što «pažartavała» z vartavoha achovy paradku nadarvanaja papruha, ale nie zrazumieła, jak čałaviek nie adčuŭ, što ź jaho zpadaje ŭsia hetaja zbroja ?
Pistalet pakul nie znajšli ni sami supracoŭniki milicyi (a šukali jak śled, uvieś asabisty sastaŭ ŭzdymaŭsia pa tryvozie!) ni vypadkovyja minaki. Va ŭsialakim vypadku, nichto nazad ŭ milicyju pistaletu nie prynios, niahledziačy na toje, što praź miascovyja ŚMI źviarnułasia da hramadzianaŭ z prośbaj viarnuć źnikłuju zbroju.
Čałavieka, jaki znojdzie pistalet z tabielnym numaram IJE 3736 K čakaje ŭznaharoda — dva miljony rubloŭ. Ździełka, darečy, vyhodnaja: realny košt pistaleta Makarava značna nižejšy. Akramia taho, kali toj, chto znajšoŭ pistalet, vyrašyć pakinuć jaho siabie, abo pradać, jon traplaje pad kryminalnuju adkaznaść. Tut varyjanty mohuć być roznyja — ad 2 hadoŭ vypraŭčaj pracy da 6 hadoŭ pazbaŭleńnia voli z kanfiskacyjaj majomaści.
Jakoje pakarańnie pahražaje milicyjantu, jaki zhubiŭ tabielnuju zbroju, budzie vyznačana pa zakančeńni pravierki.