AAT «BPS-Śbierbank» pačało raźmiaščeńnie pakieta z čatyroch vypuskaŭ pracentnych ablihacyj z terminam abaračeńnia try hady.
«Departamient pa kaštoŭnych papierach Ministerstva finansaŭ Respubliki Biełaruś ažyćciaviŭ dziaržaŭnuju rehistracyju ablihacyj AAT „BPS-Śbierbank“ 65-ha, 66-ha, 67-ha i 68-ha vypuskaŭ dla jurydyčnych asob i indyvidualnych pradprymalnikaŭ», — havorycca ŭ paviedamleńni banka.
Pačaty adkryty prodaž 65-ha vypusku, naminavanaha ŭ dołarach ZŠA, abjomam 15 młn. dołaraŭ i naminalnym koštam 1 tys. dołaraŭ, 66-ha vypusku, naminavanaha ŭ jeŭra, na 10 młn. jeŭra, naminalnym koštam 1 tys. jeŭra, 67-ha vypusku ablihacyj, jakija naminavany ŭ rasijskich rublach, na 300 młn. rubloŭ, naminalnym koštam 10 tys. rasijskich rubloŭ.
Abvieščany taksama 68-y vypusk ablihacyj, naminavanych u biełaruskich rublach, na 100 młrd. rubloŭ, naminalnym koštam 1 młn. rubloŭ.
U praśpiekcie emisii skazana, što bank pryciahvaje časova volnyja srodki jurydyčnych asob i indyvidualnych pradprymalnikaŭ dla kredytavańnia realnaha siektara ekanomiki.
