Kiraŭnik amierykanskaj niaŭradavaj arhanizacyi Freedom House zaklikaje nie zaprašać pradstaŭnikoŭ uładaŭ Biełarusi na samit «Uschodniaha partniorstva» i ES u Vilni.
Dejvid Kramier.
Devid Kramier, jaki znachodzicca ŭ Litvie, zaznačaje, što było b lepš, kali b Biełaruś pradstaŭlali nie asoby režymu Alaksandra Łukašenki, a aktyvisty hramadzianskaj supolnaści i pravaabaroncy.
«Ja nie liču, što tam pavinny być pradstaŭniki biełaruskich uładaŭ, kali zachavajecca ciapierašniaja situacyja. Mnie b kudy bolš chaciełasia, kab Biełaruś pradstaŭlali aktyvisty hramadzianskaj supolnaści, pravaabaroncy», — skazaŭ kiraŭnik Freedom House.
«Ja nie kažu «nikoli nie razmaŭlajcie z uradam». Heta nierealna.
Ale nie varta było b davać ludziam z urada takuju płatformu, jak «Uschodniaje partniorstva», — skazaŭ ekśpiert na dyskusii ŭ sieradu ŭviečary.
Biełaruś uvachodzić u pieralik šaści susiedziaŭ ES na Uschodzie, jakija ŭklučany ŭ prahramu «Uschodniaje partniorstva». Adnak ES i ZŠA ŭviali sankcyi ŭ dačynieńni da pradstaŭnikoŭ biełaruskaha režymu, abvinavačvajučy režym u represijach suprać apazicyi i abmiežavańniaŭ pravoŭ čałavieka.
Samit ES i «Uschodniaha partniorstva» pavinien prajści ŭ listapadzie hetaha hoda ŭ Vilni. Litoŭskija pradstaŭniki spadziajucca, što na jaho pryjeduć i kiraŭniki bujnych krain ES.
