Niaklajeŭ, Brava, Hłobus — u łonh-liście premii Hiedrojca 23

Siońnia byŭ abvieščany łonh-list litaraturnaj premii imia Ježy Hiedrojca. U śpis trapiła dvanaccać knih.

Sioleta na premiju byli vyłučanyja 43 knihi, siarod jakich jość i ramany, i zborniki i non-fikšn litaratury.

U vyniku łonh-list vyhladaje tak:

Siarhiej Bałachonaŭ «Ziamla pad kryłami Fieniksa»

Alhierd Bacharevič «Hamburhski rachunak Bachareviča»

Alena Brava «Raj daŭno pieranasieleny»

Adam Hłobus «Skazy»

Palina Kačatkova «Matyli»

Uładzimir Niaklajeŭ «Aŭtamat z haziroŭkaj ź siropam i biez»

Andrej Pakroŭski «Jak ja pierastaŭ vieryć u Dzieda Maroza»

Aleś Paškievič «Sim' PobѢdiši»

Ludmiła Rubleŭskaja «Avantury Pranciša. Vyrviča, škalara i špieha»

Jury Stankievič «Šał»

Uładzimir Ściapan «Adna kapiejka»

Andrej Fiedarenka «Łancuh»

Litaraturnaja premija Hiedrojca zasnavanaja ŭ 2011 hodzie, jaje pamier składaje 105 miljonaŭ rubloŭ.

Premija prysudžajecca štohod za najlepšuju knihu, jakaja była vydadzienaja (u papiarovym abo elektronnym varyjantach) na biełaruskaj movie ŭ žanrach «mastackaja proza», «eseistyka» (žury premii pakidaje za saboj prava vyznačać žanr tvoraŭ u sprečnych vypadkach).

Naminavańnie prachodzić u try etapy. Spačatku abviaščajecca łonh-list premii (12 pazicyj), za im ― šort-list (6 pazicyj). Abviaščeńnie i ŭšanavańnie pieramožcaŭ adbyvajecca 3 sakavika 2013 hodu, u Mižnarodny dzień piśmieńnika. Siarod uznaharodaŭ ― mahčymaść vydać knihu ŭ Polščy, litaraturnyja stypiendyi i zaprašeńni ŭ jeŭrapiejskija damy tvorčaści. Pieršym łaŭreatam premii Hiedrojca staŭ Pavał Kaściukievič, aŭtar zbornika apaviadańniaŭ «Zbornaja RB pa niehałoŭnych vidach sportu».

Sačyć za navinami premii možna na śpiecyjalnym sajcie.

Juraś Uskoŭ

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH