Sudździ amierykanskaha časopisa National Geographic pahladzieli bolš za 22 tysiačaŭ zdymkaŭ, jakija padali fatohrafy z 150 krainaŭ, kab vyznačyć pieramožcaŭ fotakonkursu 2012 hoda. Fotazdymki aceńvali ŭ troch katehoryjach: «Ludzi», «Miescy» i «Pryroda».
HAŁOŬNAJA PREMIJA: «Vybuch» — na fota Busaba, Indakitajskaja tyhryca, za jakoj dahladajuć ŭ Adkrytym zaaparku Kaa-Kia ŭ Tajłfndzie. Raniej ja ŭžo šmat zdymaŭ Busabu, i stanaviłasia ŭsio ciažej zrabić fota, jakoje b adroźnivałasia ad inšych. Tamu ja ŭziaŭsia bolš uvažliva nazirać za joj padčas naviedvańnia zaaparku, spadziejučysia złavić jašče niejki kadr ź jaje žyćcia. Takaja mahčymaść narešcie źjaviłasia, kali ja hladzieŭ, jak Busaba kupajecca ŭ svaim basiejnie, a potym abtrasaje vadu. Ścipła dadam, što ŭ hety dzień mnie prosta vietliva ŭśmichnułasia Matuchna Pryroda! (Tekst aŭtara: Ašli Vincent (Ashley Vincent)).
PIERŠAJE MIESCA, katehoryi «Miesca» Hara Materhorn (Cermatt), Šviejcaryja — Materhorn, vyšynioj 4478 mietraŭ, padčas poŭni. (Tekst aŭtara: Nienad Šalič (Nenad Šaljić)).
PIERŠAJE MIESCA, KATEHORYJA «LUDZI»: Siarod žycharoŭ śmietnika (municypalny śmietnik Dandora ŭ Najrobi, Kienija). Pad kaniec dnia žančynam dazvalajuć pakorpacca na śmietniku. (Tekst aŭtara: Majka Albert (Micah Albert)).
VYBAR HLEDAČOŬ, katehoryi «Miesca»: Palaŭničyja za ajśbierhami (pasiołak Pond-Inlet, terytoryja Nunavut, Kanada) — adkołvać abłomki lodu z ajśbierha — heta zvykły sposab dla inuitaŭ, jakija žyvuć tut, atrymlivać pitnuju vadu na sušy. Padčas palavańnia, što doŭžyłasia tydzień, my natyknulisia na hety vieličny ajsberh, jaki ŭmierz u lod. Heta stała vydatnaj mahčymaściu nabrać dastatkova lodu i pitnoj vady na reštu padarožža. (Tekst aŭtara: Adam Kojš (Adam Coish)).
VYBAR HLEDAČOŬ, KATEHORYJA «LUDZI»: Ekśpiedycyja pa śladach Amundsiena (Chardanhiervida, Narviehija) — łyžnaje spabornictva pa maršrucie viadomaha daślednika Ruała Amundsiena pryviało ŭdzielnikaŭ na hornaje płato Chardanhiervida ŭ Narviehii. Stokiłamietrovy šlach praz heta płato, jakim išoŭ Amundsien, rychtujučysia da ekśpiedycyi na Paŭdniovy polus ŭ 1911 hodzie, da hetaha času cikavić daślednikaŭ. Amundsien nie zmoh pierajści płato i pavinien byŭ viarnucca z-za drennaha nadvorja. Jak śćviardžajuć, jon kazaŭ, što sproba pierajści Chardanhiervida była hetkaja ž niebiaśpiečnaja i ciažkaja, jak i zavajavać Paŭdniovy polus. Hrupa na zdymku vykarystała spabornictvy dla padrychtoŭki padarožža ŭ Hrenłandyju. (Tekst aŭtara: Kaj-Ota Mełau (Kai-Otto Melau)).
VYBAR HLEDAČOŬ, KATEHORYJA «PRYRODA»: Chvilina piaščoty (Nacyjanalny zapaviednik Masai-Mara, Kienija). Kožny dzień u zapaviedniku Masai-Mara pačynajecca z čahości novaha, nie takoha, jak raniej, a skančvajecca pamiatnymi ŭspaminami i vidoviščnymi fatahrafijami. Mnie vielmi pašancavała ŭbačyć i źniać Małajku, jak zavuć hetuju samku hieparda, i jaje dziciania. Jaje dobra viedajuć u parku pa zvyčcy zaskakvać na mašyny. Jana navučyłasia hetamu ad svajoj maci Kikie, a taja i ŭ svajoj maci Ambier. Ciapier, jak i jaje maci, Małajka vučyć hetamu svajo dzicia. A takija ŭroki stanoviacca jašče adnoj prynadaj dla turystaŭ. Voś adzin z momantaŭ piaščoty pamiž Małajkaj i dziciom. Mnie vielmi pašancavała źniać hety momant. (Tekst aŭtara: Sandžu Bhor (Sanjeev Bhor)).
Lisica (miascovaść Skvo-Kryk, akruha Park, štat Vajominh; hetaja terytoryja achoplivaje bolšuju častku Jełaŭstonskaha nacyjanalnaha parku ŭ ZŠA) — Zvyčajnaja lisica, ź jaje dzivosnym słycham, vyłoŭlivaje myšej z-pad zamierzłaha śniehu na hłybini bolš za 60 santymietraŭ. Jana vysoka padskokvaje i prałomvaje abledzianiełuju pavierchniu nosam. Tak, u viertykalnym «nyrańni», lisica łović myšej pad śnieham. (Tekst aŭtara: Majkał Istman (Michael Eastman)).
Tradycyjnyja kitajskija honki na «Čaŭnach-cmokach», miastečka Jańbu, pravincyja Huandun, Kitaj) — Honki na «Čaŭnach-cmokach» — tradycyjnaja kitajskaja zabava. Takija vadzianyja śviaty ŭ pamiać pra patryjatyčnaha paeta staražytnaha Kitaja, jakoha zvali Ciuj Juań, pravodziać užo dźvie tysiačy hadoŭ. (Tekst aŭtara: Huań Cziačen).
Na ŭschodzie Isłandyi (na ŭschod ad łahuny Ekiudlsaŭrłoŭn, Isłandyja) — ledavikovaja vada ściakaje na bierah ź ledavika Brejdamierkiurjekiudl na ŭschodnim uźbiarežžy Isłandyi. Hety zdymak u słabym śviatle kanca palarnaha leta zrobleny z vytrymkaj u čatyry chviliny; ciaham dźviuch chvilin fatohraf padśviečvaŭ askiepak ledavikovaha lodu lampaj. (Tekst aŭtara: Eryk Hat (Eric Guth)).
U niavoli (Bekasi, Indanezija) — Reabilitacyjny centr Jajasan-Hałuch — ŭstanova dla biednych psichična chvorych u horadzie Bekasi ŭ Indanezii. U im znachodzicca bolš za 250 pacyjentaŭ. Bolšaść ich — ź biednych siemjaŭ, jakija nie cikaviacca ich stanam ci nie zdolnyja heta rabić. Niekatoryja z pacyjentaŭ — biazdomnyja, jakich pryviała z vulicaŭ palicyja. Adzinaje lačeńnie, jakoje jany atrymlivajuć, — ad skurnych chvarobaŭ. Nijakaha psichijatryčnaha lačeńnia i dapamohi niama. Tracina pacyjentaŭ prykavanaja łancuhami — heta tyčycca tych, kaho ličać niekantralavanymi abo niebiaśpiečnymi. (Tekst aŭtara: Vendeł Filips (Wendell Phillips)).
Žudasnaja Ejfieleŭka (Paryž, Francyja) — Zmročny zimovy dzień byŭ mnie na karyść, bo stvaryŭ heta žudasnaje adčuvańnie ad viadomaha simvała Paryža, Ejfielevaj viežy. (Tekst aŭtara: Indra Svary Vanavidžojo (Indra Swari Wonowidjojo)).
Drapiežnik (Kamoda, Indanezija) — Mianie atačali 1000 rybaŭ, jakija ruchalisia sinchronna z-za napadu drapiežnika. Heta było nievierahodnaje vidovišča. (Tekst aŭtara: Fransiska Charlidžanta (Fransisca Harlijanto)).
Miadźviedź bury žudasny (Ursus Arctos Horribilis — łacinski nazoŭ miadźviedzia Hryźli) (miascovaść Bear-Kryk, voziera Aleknahik, Alaska, ZŠA) — heta fota dzikaha miadźviedzia hryźli, jaki vyniuchvaje ślady na ściežcy dzikich žyviołaŭ, ja zrabiŭ z dapamohaj samarobnaha aŭtaspusku ŭ majoj ličbavaj lustranoj kamiery. (Tekst aŭtara: Džejsan Čynh (Jason Ching)).
Rybaki na žerdačkach (Midyhama, Šry-Łanka) — Rybačyć z žerdak — taki sposab isnuje tolki na Šry-Łancy. Rybaki siadziać na pierakładzinie, jakuju nazyvajuć «pieta», jana pryviazanaja da viertykalnaj žerdki, zabitaj ŭ karałavy ryf. Hety zdymak ź vialikaj vytrymkaj pakazvaje, jakoje niaŭstojlivaje ich «pracoŭnaje miesca». (Tekst aŭtara: Ulrych Łambiert (Ulrich Lambert)).
Ašli Vincent (Ashley Vincent) z Čonbury ŭ Tajłandzie atrymaŭ hałoŭnuju premiju ŭ 10 tysiač dalaraŭ (i pieršaje miesca ŭ katehoryi «Pryroda») za nievierahodny kadr tyhrycy ŭ adnym z zaaparkaŭ Tajłandu, kali taja abtrasała vadu paśla kupańnia. Nienad Šalič (Nenad Šaljić) ź Splitu ŭ Charvatyi staŭ pieršym u katehoryi «Miescy» sa svaim napoŭnienym nastrojem zdymkam šviejcarskaj hary Materhorn. A Majka Albiert (Micah Albert) z horada Fejr-Oŭks ŭ Kalifornii ŭ ZŠA atrymaŭ pieršaje miesca ŭ katehoryi «Ludzi» za svaju nievierahodnuju fatahrafiju žančynaŭ, jakija ryjucca na śmietniku kala truščobaŭ horada Najrobi u Kienii, jaki staŭ pryčynaj šerahu chvarobaŭ, ad jakich pakutuje kala miljona žycharoŭ hetych truščobaŭ.
U žury konkursu byli fatohraf-pryrodaznaviec Kryścijan Cyhler (Christian Ziegler) i fatohrafy-dakumientalisty Hierd Ludvih (Gerd Ludwig) i Debi Fleminh Kafery (Debbie Fleming Caffery).
Kien Hajhier (Ken Geiger), namieśnik dyrektara časopisa pa fatahrafii, skazaŭ, što kalibr pradstaŭlenych na konkurs fota i dalej dzivić jaho.
«Adno tolki kolkaść padadzienych zdymkaŭ pakazvaje, nakolki važnaj i dastupnaj stała ličbavaja fatahrafija, — skazaŭ Hajhier. — Jana dazvalaje fatohrafam va ŭsim śviecie dzialicca bačanym i pieražytym».
Radyjo «Svaboda»
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
