Sudovy praces nad byłym namieśnikam ministra ŭnutranych spraŭ Biełarusi — načalnikam milicyi hramadskaj biaśpieki Jaŭhienam Południem pačynajecca 14 studzienia.
Słuchańni buduć prachodzić u zakrytym režymie. Spravu razhladaje Vajennaja kalehija Viarchoŭnaha suda. Sud adbudziecca ŭ pamiaškańni Biełaruskaha vajennaha suda.
Nahadajem, Jaŭhien Połudzień abvinavačvajecca ŭ złoŭžyvańni ŭładaj, pieravyšeńni ŭłady i atrymańni chabaru. Dziejańni byłoha namieśnika kiraŭnika MUS kvalifikavanyja pa č. 3 art. 424 KK (złoŭžyvańnie ŭładaj abo słužbovymi paŭnamoctvami), čč. 2 i 3 art. 426 KK (pieravyšeńnie ŭłady abo słužbovych paŭnamoctvaŭ asobaj, jakaja zajmaje adkaznaje stanovišča) i č. 3 art. 430 KK (atrymańnie chabaru).
- Połudzień byŭ zatrymany 8 śniežnia 2011 hoda.
- Praz tydzień jamu pradjavili abvinavačańnie pa č. 3 art. 424 KK (złoŭžyvańnie ŭładaj abo słužbovymi paŭnamoctvami). U lutym 2012 hoda ŭ dačynieńni da Południa była raspačata sprava — pa prykmietach złačynstva, praduhledžanaha č. 3 art. 426 KK (pieravyšeńnie ŭłady abo słužbovych paŭnamoctvaŭ asobaj, jakaja zajmaje adkaznaje stanovišča). Abiedźvie spravy abjadnali ŭ adnu vytvorčaść. Śledstva ŭstanaviła, što Połudzień sistematyčna na praciahu doŭhaha pieryjadu času atrymlivaŭ ad słužbovych asob orhanaŭ unutranych spraŭ materyjalnyja kaštoŭnaści i hrašovyja srodki.
0
0
0
0
0
0
