U maładoha čałavieka, jaki napaŭ na trybunie na lidara bałharskaj partyi Achmieda Dahana, byŭ hazavy pistalet.
Pra heta paviedamiŭ u svaich navinach telekanał Jeŭrańjus.
Jak paviedamlałasia raniej, bałharski palityk tureckaha pachodžańnia, lidar partyi «Ruch za pravy i svabody» Achmied Dahan pramaŭlaŭ na partyjnym źjeździe,
kali na scenu ŭvarvaŭsia nieviadomy mužčyna i nakiravaŭ pistalet na hałavu pramoŭcy. Padałosia, što maładzion streliŭ, a pistalet zrabiŭ asiečku.
Pistalet byŭ hazavym. Napadnika nieadkładna schapili i žorstka źbili.
Achmied Demir Dahan źjaŭlajecca zasnavalnikam i niaźmiennym lidaram stvoranaha ŭ 1990 hodzie «Ruchu za pravy i svabody», jaki zlibieralna-demakratyčnych pazicyj adstojvaje intaresy bałharskich musulman — hałoŭnym čynam turak, jakija składajuć 12% nasielnictva krainy.
Pačynajučy z 1990 hoda Dahan uvachodziŭ va ŭsie składy parłamienta, a jaho partyja atrymała status małodšaha partniora ŭ dźviuch mižpartyjnych kaalicyjach, što farmavali ŭrad Bałharyi z 2001 pa 2009 hod.
U vystupie, jaki pierapyniŭ čałaviek ź pistaletam, palityk pavinien byŭ abviaścić pra svoj sychod na piensiju, paviedamlaje Lenta.ru.
0
0
0
0
0
0
