U Ismailinskim rajonie Azerbajdžanu prajšła akcyja pratestu, udzielniki jakoj padpalili aŭtamabili, hatel «Čyrah» i rezydencyju miascovaha hubernatara.
Pratestoŭcy patrabavali adstaŭki miascovaha hubernatara Nizami Alekperava.
Chvalavańni pačalisia paśla taho, jak uładalnik hatelu «Čyrah» Emil Šachmandaraŭ patrapiŭ u aŭtamabilnuju avaryju. Raniej ułady praihnaravali nieadnarazovyja patrabavańni miasovych žycharoŭ začynić hety hatel, bo ŭ im mieściŭsia bardel.
Kiraŭnik vykanaŭčaj ułady rajona — brat ministra pracy i sacyjalnaj abarony Azerbajdžanu.
Heta druhaja bujnaja akcyja pratestu ŭ Azerbajdžanie za tydzień. 19 studzienia adbyłasia sutyčka pamiž palicyjaj i handlarami, jakija zablakavali šašu na znak pratestu suprać padvyšeńnia arendnaj płaty ŭ bujnych handlovych centrach krainy.