Ruch pamiž Minskam i Maładziečnam byŭ u piatnicu pierakryty. Dva DTZ za 20 chvilin - fota 3

Dva darožna-transpartnyja zdareńni zdarylisia na praciahu 20 chvilin ranicaj siońnia, 1 lutaha, la Krynicy pad Maładziečnam. 2 čałaviekam akazanaja miedycynskaja dapamoha ŭ rajonnaj balnicy. Na darožnikaŭ DEU-63 składzieny adaministracyjny pratakoł za nienaležny stan darohi.

U abodvuch incydentach razam udzielničała 5 aŭtamabilaŭ. U abodva baki ŭtvaryŭsia zator na niekalki kiłamietraŭ. Ruch byŭ pierakryty całkam prykładna na paŭhadziny. Pra heta našamu sajtu paviedamiŭ inśpiektar DAI Siarhiej Bartoš.

Pieršaje zdareńnie adbyłosia prykładna ŭ 7 hadzin ranicy.

Kiroŭca mikraaŭtobusa Mersedes-Benc, jaki ruchaŭsia ŭ kirunku Minska, niapravilna vybraŭ chutkasny režym i aŭtamabil pačało zanosić na darozie.

Aŭtamabil źjechaŭ na abočynu. Žančyna-kiroŭca Volva S-80, jakaja ruchałasia za mikraaŭtobusam, nie zmahła svoječasova zaryjentavacca. U vyniku adbyłosia sutyknieńnie.

Paciarpieli 2 pasažyry Volva, jakija na momant padrychtoŭki infarmacyi paśla akazańnia im dapamohi byli ŭžo adpuščanyja z balnicy.

Praz 20 chvilin paśla pieršaha zdareńnia za 50 mietraŭ pierad im adbyłosia jašče adno DTZ.

U im byli zadziejničany 3 aŭtamabili, jakija taksama ruchalisia ŭ nakirunku Minska. Nichto z udzielnikaŭ avaryi surjozna nie paciarpieŭ. Ale ŭ hetym vypadku značnaja škoda naniesienaja aŭtamabilam, skazaŭ Siarhiej Bartoš.

Udzielnikami druhoha zdareńnia byli Fijat Dukata (kiroŭca 1980 h.n), Sieat-Taleda (kiroŭca 1956 h.n.) i Rover (kiroŭca — žančyna 1982 h.n.)

Rehijanalnaja hazieta

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH