20 lipienia padčas aŭtaprabiehu salidarnaści ź Dźmitryjem Daškievičam u Škłovie byli zatrymanyja 13 čałaviek. Na Siarhieja Hirkina składzieny pratakoł za raspaŭsiudžvańnie drukavanaj pradukcyi. Pa darozie Salihorsk — Mahiloŭ zatrymany Aleś Miliniec. Za vyviešvańnie raściažki Kirył Mackievič i Uładzimir Siarhiejeŭ asudžany na 10 i 15 sutak administracyjnaha aryštu adpaviedna. Na płoščy Jakuba Kołasa ŭ Minsku zatrymany i źbity Maksim Sierhijec. Uviečary supracoŭniki milicyi i KDB praviali vobysk na kvatery aktyvistki Naści Azarki.
22 lipienia na polska‑biełaruskaj miažy zatrymany niekalki dziesiatkaŭ čałaviek, jakija viartalisia ź fiestyvalu biełaruskaj muzyki «Basovišča». U amataraŭ biełaruskaj muzyki zabrali pašparty, nadhledzieli rečy i skłali pratakoły.
23 i 24 lipienia za raspaŭsiudžvańnie ŭlotak z zaprašeńniem na Śviata Niezaležnaści 27 lipienia i «Jeŭrapiejski marš» pryhavorany da administracyjnych aryštaŭ na termin ad 7 da 15 sutak Pavieł Sieviaryniec, Alaksiej Šein, Siarhiej Klujeŭ, Juryj Volsan, Alaksiej Bondar, Valancin Sakałoŭski, Alaksandr Čarnyšoŭ, da štrafaŭ — Maryja Sieraja i Kasia Sachardzinava. U kvatery Barysa Hareckaha byŭ praviedzieny vobysk.
