«Achova ptušak Baćkaŭščyny»: raźvićcio turyzmu ŭ Turavie pahražaje bijaraznastajnaści 2

Raźvićcio turyzmu ŭ Turavie (Žytkavicki rajon Homielskaj vobłaści) pahražaje bijaraznastajnaści rehijonu. Jak paviedamiŭ dyrektar hramadskaj arhanizacyi «Achova ptušak Baćkaŭščyny» (APB) Viktar Fiančuk, pra heta zajaŭlena ŭ rezalucyi, pryniataj pa vynikach 16-ha źjezda APB, jaki prajšoŭ 26 studzienia ŭ Minsku.

Pavodle słoŭ Fienčuka,

tryvohu ekołahaŭ vyklikajuć raboty pa pahłybleńni i vyraŭnoŭvańni Prypiaci ŭzdoŭž Turaŭskaha bałońnia, što robicca dla zručnaści chadžeńnia ciepłachoda z turystami. Ekałohii łuhu pahražajuć jak hetyja budaŭničyja raboty, tak i sam zapłanavany zapusk ciepłachoda, jaki strumieniem budzie zmyvać ptušynyja kładki jajek i šumam pałochać ptušak.

Jak padkreśliŭ Fiančuk, Turaŭskaje bałońnie — adna z klučavych terytoryj dla vodna-bałotnych ptušak u Biełarusi. Jany źbirajucca na atočanych vadoj drobnych astraŭkach, dzie ich znachodžańnie biaśpiečnaje. Turaŭskaje bałońnie źjaŭlajecca adnym z asnoŭnych miescaŭ hniezdavańnia biełaruskaj papulacyi šerahu vidaŭ kulikoŭ, u tym liku redkich — vialikaha zujka i maradunki. Heta taksama masavaje miesca prypynku na šlachach mihracyi batalonaŭ. Usie hetyja vidy zaniesienyja ŭ Čyrvonuju knihu Biełarusi.

«Maštabnaje raźvićcio rekreacyi i turyzmu ŭ Turavie budzie nieści pahrozu bijaraznastajnaści rehijonu», — pierakanany dyrektar APB. Pavodle jaho słoŭ, a

dkaznyja za raźvićcio turyzmu ŭ rehijonie arhanizacyi, u tym liku AAT «Turaŭščyna», pakul nie vykonvajuć abiacanych ekołaham pryrodaachoŭnych mierapryjemstvaŭ. U hetaj situacyi turyzm u rehijonie nie moža być ekałahična družalubnym,

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH