Staršynia savieta respubliki Anatol Rubinaŭ ličyć papulisckaj prapanovu pra ŭviadzieńnie abaviazkovaha adkrytaha apublikavańnia źviestak z dekłaracyj dziaržsłužačych, jakija ŭvachodziać u kadravyja rejestry kiraŭnika dziaržavy i ŭrada. Ale sam hatovy apublikavać svaje dachody.
Kamientujučy papraŭki ŭ zakanadaŭstva ab supraćdziejańni karupcyi, u pryvatnaści prapanovu ŭvieści abaviazkovaje adkrytaje apublikavańnie źviestak z dekłaracyj, Anatol Rubinaŭ adznačyŭ, što dziaržsłužačyja, a taksama členy ich siemjaŭ štohod padajuć dekłaracyi.
«Asabista ja hatovy ŭ luby momant apublikavać svaje dachody. Choć liču hetuju prapanovu papulisckaj. Nijakaj tajamnicy tut niama, usio i biez taho kantralujecca», — padkreśliŭ staršynia savieta respubliki.
Śpikier vierchniaj pałaty parłamienta nahadaŭ, što ŭ Biełarusi zakon ab dziaržsłužbie zabaraniaje čynoŭniku zajmacca kamiercyjnaj dziejnaściu. «Akramia zarpłaty, dachody jon moža atrymlivać, zajmajučysia tolki navukaj, vykładańniem, tvorčaściu. Inšyja krynicy jamu zabaroniena mieć. A kali čynoŭnik chabar biare, to jon hetaha ŭsio roŭna nie pakaža. Takija, na žal, jość. Ale ich rana ci pozna vyličajuć», — skazaŭ Anatol Rubinaŭ.
0
0
0
0
0
0
