Atrymany ź Ministerstva infarmacyi aficyjny adkaz na paŭtornuju zajavu novaha zasnavalnika «ARCHE» ab pierarehistracyi vydańnia, praŭdu kažučy, ździviŭ. Nie tym, viadoma, što ŭ rehistracyi časopisu znoŭ admovili — iluzij adnosna žadańnia ŭładaŭ nadalej bačyć jaho ŭ biełaruskaj miedyjaprastory nie było ad pačatku.Ździŭleńnie vyklikała arhumientacyja, abranaja čynoŭnikami dla admovy.
Na dumku namieśnicy ministra infarmacyi Biełarusi Lilii Ananič (mienavita jaje podpis staić pad atrymanym redakcyjaj dakumientam):
Sohłasno utvierždiennoj postanovlenijem Ministierstva informacii Riespubliki Biełaruś ot 6 oktiabria 2008 h. № 14 formie zajavlenija o hosudarstviennoj riehistracii sriedstva massovoj informacii, ono podležit podpisaniju učrieditielem (učrieditielami) sriedstva massovoj informacii.
Vozmožnosť podpisanija zajavlenija inymi licami, v tom čiśle diejstvujuŝimi na osnovanii dovieriennosti, zakonodatielstvom, riehulirujuŝim poriadok sovieršienija dannoj administrativnoj prociedury, nie priedusmotriena.
V narušienije połožienij priviediennoho vyšie postanovlenija Ministierstva informacii, zajavlenije o hosudarstviennoj pierieriehistracii žurnała «Arche. Pačatak» podpisano na osnovanii dovieriennosti licom, nie imiejuŝim na to połnomočij.
Kromie toho, zajavlenije nie zavierieno piečaťju juridičieskoho lica, vystupajuŝieho v kačiestvie učrieditiela dannoho piečatnoho sriedstva massovoj informacii.
Zajavu na pierarehistracyju časopisa ad imia TAA «Hajsak», jakomu ŭ poŭnaj adpaviednaści z vyznačanaj zakanadaŭstvam praceduraj pierad hetym byli pieradadzieny pravy zasnavalnika vydańnia, padavaŭ ciapierašni vykanaŭca abaviazkaŭ hałoŭnaha redaktara «ARCHE» Alaksandr Paškievič, jaki adnačasova źjaŭlajecca i adnym z dvuch zasnavalnikaŭ zhadanaha TAA «Hajsak». Pry hetym jon mieŭ davieranaść na ažyćciaŭleńnie takich dziejańniaŭ, vydadzienuju na jaho imia dyrektaram arhanizacyi. Takim čynam, A. Paškievič źjaŭlaŭsia ŭpaŭnavažanaj asobaj, i tamu nie zusim zrazumieła, jakoje ŭ jahonych dziejańniach było parušeńnie artykuła 12 Zakona Respubliki Biełaruś «Ab srodkach masavaj infarmacyi», jaki dasłoŭna hučyć tak:
Pry dziaržaŭnaj rehistracyi srodku masavaj infarmacyi ŭ respublikanski orhan dziaržaŭnaha kiravańnia ŭ śfiery masavaj infarmacyi zasnavalnikam (zasnavalnikami) ci ŭpaŭnavažanaj joj (imi) asobaj padajecca zajava pa formie, vyznačanaj respublikanskim orhanam dziaržaŭnaha kiravańnia ŭ śfiery masavaj infarmacyi.
Padazrajem, što ŭ vypadku nieabchodnaści arhumientavać svaju interpretacyju zakanadaŭčaj normy ministerskija čynoŭniki stali b razvažać, što padača dakumientaŭ i ich padpisańnie — heta zusim roznyja rečy, i tamu adzinaje, što suzasnavalnik TAA moh by rabić pa vydadzienaj jamu davieranaści — heta tolki prynieści dakumienty ŭ budynak ministerstva i pakinuć ich u adkaznaj asoby.Zajava ž, nie padpisanaja niepasredna kiraŭnikom arhanizacyi — zasnavalnika ŚMI, dla ich nijaki nie dakumient, a tolki pustaja papierka. Nie vyklučana, što chtości z zusim niekrytyčna nastrojenych ludziej moh by navat i pavieryć u toje, što supracoŭniki Ministerstva zacikaŭlenyja tolki i vyklučna ŭ adpaviednaści padadzienych dakumientaŭ farmalnym patrabavańniam zakanadaŭstva, a mierkavańniaŭ palityčnaj metazhodnaści ŭ raźlik nie biaruć. Adnak ža niasłušnaść padobnaj dumki robicca vidavočnaj paśla pryhadvańnia taho, što dakładna takim ža samym čynam novyja zasnavalniki «ARCHE» padavali dakumienty ŭ Ministerstva i minuły raz, kali atrymali pieršuju admovu na padstavie nibyta nieadpaviednaści płanavanaha hałoŭnaha redaktara časopisa kvalifikacyjnym patrabavańniam. I tady dakumient, «podpisannyj na osnovanii dovieriennosti licom, nie imiejuŝim na to połnomočij» i «nie zavieriennyj piečaťju juridičieskoho lica, vystupajuŝieho v kačiestvie učrieditiela dannoho piečatnoho sriedstva massovoj informacii», byŭ biez pytańniaŭ pryniaty čynoŭnikami Mininfarmu da razhladu, a aficyjny adkaz na jaho byŭ padpisany asabista načalnikam Lilii Ananič, ministram infarmacyi Aleham Pralaskoŭskim. Vychodzić, tady zajava zasnavalnikaŭ «ARCHE» nie była pa svajoj formie pustoj papierkaj, a stała joj u vačach kiraŭnikoŭ Mininfarma tolki ciapier, kali surjoznych arhumientaŭ suprać pierarehistracyi časopisa u ich nie zastałosia? Što ž, tym samym Ministerstva infarmacyi stała ŭ pazicyju hohaleŭskaj unter-aficerskaj udavy, jakaja «sama siabie vysiekła», vyrazna zaśviedčyŭšy nieprafiesijanalizm i niepaśladoŭnaść svaich supracoŭnikaŭ, a taksama ich schilnaść da ŭžyvańnia «padvojenych standartaŭ».
