U Homieli vybrali «Pryhažuniu Paleśsia» — fota 9

Pieramožca, druhakurśnica Univiersiteta transpartu Marharyta Bukšta.

Vieranika Čačyna z Homiela pieramahła ŭ dźviuch naminacyjach: «Pryhažość i hracyja» i «Za imknieńnie da pieramohi».

Pieršaj vice-mis stała žycharka Kastryčnickaha Natalla Łazuta.

Pieramožca internet-hałasavańnia i ŭładalnica tytułu «Druhaja vice-mis» — Anastasija Kuźniacova ź Vietki.

Byli i mužčyny madeli, praŭda, pa-za konkursam: demanstracyja kalekcyi fabryki «Kamintern».

Bajanist Vital Varanko.

Tancory z Trend Deluxe pakazali antyčnaje šou.

Vystupaŭ u Homieli i Litesound.

U Homieli 9 lutaha prajšoŭ konkurs pryhažości i hracyi «Pryhažunia Paleśsia».

Jaho arhanizavaŭ centr mody i pryhažości «Kryštalnaja nimfa» pry padtrymcy hienieralnaha partniora mierapryjemstva homielskaha VA «Kryštal».

Kvitki na mierapryjemstva kaštavali 45–55 tysiač rubloŭ. Zała Homielskaha haradskoha centra kultury była amal całkam zapoŭnienaja.

Kastynhi pravodzilisia ŭ Homieli i niekalkich rajonnych centrach, paviedamlaje BiełaPAN.

U finał konkursu adabrali 18 pretendentak z Homiela, Mazyra, Kalinkavičaŭ, Kastryčnickaha, Vietki, Śvietłahorska i Łojeŭskaha rajona.

U liku čalcoŭ žury byli hienieralnyja dyrektary pradpryjemstvaŭ «Kryštal» i «Kamintern», dyrektar — mastacki kiraŭnik centra «Kryštalnaja nimfa» Klim Andrejeŭ, viadomy minski stylist, dyrektar sałona pryhažości «Muson» Alaksandr Kiryniuk.

Udzielnicy konkursa vychodzili na podyum u kupalnikach ad «Miłavicy», viasielnych sukienkach, a taksama ŭ strojach ad najlepšych biełaruskich dyzajnieraŭ —

O.Jen, Historia Naturalis, Natasha TSU RAN i Papilio.

Pakul dziaŭčaty mianiali stroi, hledačoŭ zabaŭlali chłopcy z hrupy Litesound (udzielniki minułahodniaha «Jeŭrabačańnia»), hurt «Jamajka», homielski džaz-bend Vasabi Jazz Band, tancory z Trend Deluxe dy bajanist Vital Varanko, udzielnik «Akademii talentaŭ» dy adboračnaha tura «Jeŭrabačańnia-2013».

Pryhažuniaj Paleśsia była pryznanaja hamialčanka, studentka-druhakurśnica Biełaruskaha dziaržaŭnaha univiersiteta transpartu Marharyta Bukšta.

Pieršaj i druhoj vice-mis stali žycharka Kastryčnickaha Natalla Łazuta i Anastasija Kuźniacova ź Vietki. U jakaści hałoŭnych pryzoŭ jany atrymali kaštoŭnyja ŭpryhažeńni ad pradpryjemstva «Kryštal».

Aksana Rudovič; inf. BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH