Kitaj abahnaŭ ZŠA i staŭ najbujniejšaj handlovaj dziaržavaj u śviecie ŭ 2012 hodzie. Pra heta piša ahienctva Bloomberg, spasyłajučysia na źviestki ekspartu i impartu tavaraŭ.
Abjom amierykanskaha ekspartu i impartu tavaraŭ u minułym hodzie skłaŭ $3,82 trłn, havorycca ŭ źviestkach ministerstva handlu ZŠA. Mytnaje ŭpraŭleńnie Kitaja paviedamlała, što abjom handlu ŭ krainie dasiahnuŭ u 2012 hodzie $3,87 trłn.
Rastučy ŭpłyŭ Kitaja ŭ suśvietnym handli pahražaje sarvać rehijanalnyja handlovyja błoki, tak jak Kitaj stanovicca samym važnym handlovym partnioram dla niekatorych krain, adznačaje ekanamist Džym O'Nił z Goldman Sachs Group.
«Dla mnohich krain pa ŭsim śviecie Kitaj chutka stanovicca samym važnym dvuchbakovym handlovym partnioram», — adznačaje O'Nił.
«Takimi tempami, da kanca dziesiacihodździa mnohija jeŭrapiejskija krainy buduć bolš aryjentavacca na indyvidualnyhandal z Kitajem, čym na dvuchbakovaje partniorstva ŭ Jeŭropie», — dadaŭ jon.
Kali brać pad uvahu śfieru pasłuh, ahulny abjom handlu ZŠA skłaŭ $ 4,93 trłn u 2012 hodzie, havorycca ŭ dadzienych Biuro ekanamičnaha analizu ZŠA. U krainie zafiksavany praficyt u śfiery pasłuh u pamiery $195,3 u minułym hodzie i deficyt tavaraŭ bolš čym na $ 700 młrd, adznačaje Biuro.
Pa dadzienych Suśvietnaha banka, ekanomika ZŠA udvaja bolšaja VUP Kitaja. U 2011 hodzie vałavy ŭnutrany pradukt ZŠA dasiahnuŭ $15 trłn, a Kitaja — $7,3 trłn. Nacyjanalnaje biuro statystyki KNR paviedamiła, što VUP krainy ŭ ŭ 2012 hodzie skłaŭ 51,93 trłn juaniaŭ ($8,3 trłn).
«Heta charakterna, što ekanomika, jakaja składaje tolki častku ad pamieru VUP ZŠA, maje bolšy abjom tarhoŭ», — adznačaje staršy navukovy supracoŭnik Instytuta mižnarodnaj ekanomiki Pietersana Nikałas Łardzi. Hety rost — jašče nie ŭsie vyniki niedaacenienaha juania, jaki padhaniaje ekspartny bum, skazaŭ jon.
