Brava, Kačatkova i Fiedarenka nie trapili ŭ šort-list premii Hiedrojca 36

Siońnia na śpiecyjalnaj pres-kanfierencyi arhanizatary litaraturnaj premii imia Ježy Hiedrojca abvieścili šort-list. Biełaruska-polskaje žury adabrała z dvanaccaci knih šeść.

U šort-list uklučanyja:

1. Siarhiej Bałachonaŭ «Ziamla pad kryłami Fieniksa».

2. Alhierd Bacharevič «Hamburhski rachunak».

3. Adam Hłobus «Skazy».

4. Uładzimir Niaklajeŭ «Aŭtamat z haziroŭkaj ź siropam i biez».

5. Ludmiła Rubleŭskaja «Avantury Pranciša Vyrviča, škalara i špieha».

6. Juryj Stankievič «Šał».

U šort-list nie trapili knihi, jakija vysoka aceńvalisia krytykami: «Raj daŭno pieranasieleny» barysaŭskaj piśmieńnicy Aleny Brava, a taksama zbornik Andreja Fiedarenki «Łancuh».

Pa słovach staršyni Sajuza piśmieńnikaŭ Barysa Piatroviča, siabry žury sami byli šakavanyja vynikami hałasavańnia: u kožnaha była svaja šaściorka, ale vynik apynuŭsia niepradkazalnym.

Pavodle mierkavańnia Barysa Piatroviča, varta źmianić farmat premii i praparcyjna padzialić jaje pamiž niekalkimi aŭtarami. «Ahulnajeŭrapiejski pryncyp, na jakim bazujecca premija, nie padychodzić dla Biełarusi, — kaža Piatrovič. — Bo takaja premija ŭ Biełarusi adna, a ŭ jeŭrapiejskich krainach ich dziasiatki».

Nahadajem, u minułym hodzie premiju Hiedrojca atrymaŭ Pavieł Kaściukievič za knihu «Zbornaja RB pa niehałoŭnych vidach sportu».

Členy žury: Valancin Akudovič, Uładzimir Arłoŭ, Pavał Kaściukievič, Hanna Kiślicyna, Barys Piatrovič, Andrej Chadanovič, Małhažata Buchalik, Piotr Kazakievič, Adam Pamorski, Lešak Šarepka

0

0

0

0

0

0

JUU

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH