«Nie izalacyja, a anhažavanaść u jeŭrapiejski intehracyjny praces moža dapamahčy našaj krainie stać demakratyčnaj i zamožnaj», — zajaviŭ ministr zamiežnych spravaŭ Biełarusi Uładzimir Makiej paśla pieramovaŭ ź jeŭrakamisaram u pytańniach pašyreńnia i palityki dobrasusiedstva Stefanam Fiule.
Pieramovy adbylisia ŭ Tbilisi ŭ miežach dvuchdzionnaha raŭndu pieramovaŭ na ministerskim uzroŭni pamiž pradstaŭnikami Jeŭraźviazu i
Na presavaj kanfierencyi pa vynikach pieramovaŭ sp. Fiule zajaviŭ: «Biełaruś źjaŭlajecca adnym z našych partnioraŭ. Ale, na žal, treba adznačyć, što Biełaruś źjaŭlajecca našym adzinym partnioram, ź jakim my nie majem zakanadaŭčaj bazy dla mocnych dvuchbakovych stasunkaŭ, jak ź inšymi partniorami.Nu i jašče treba adznačyć toj vidavočny fakt, što isnuje admysłovaja palityka Jeŭraźviazu ŭ adnosinach da Biełarusi, abapiortaja na troch słupach. Jeŭraźviaz praciahvaje padtrymlivać svaju pazicyju, zasnavanuju na pryncypach, na jakija abapirajecca ŭsio Uschodniaje partniorstva. U takich abstavinach Jeŭraźviaz moža tolki
dla Biełarusi isnuje pierśpiektyva poŭnaha raźvićcia adnosinaŭ, jakim karystajucca inšyja našy partniory. Pieradumovaj dla hetaha raźvićcia źjaŭlajecca vyzvaleńnie palitviaźniaŭ.Adnačasova my raźvivajem dyjałoh ab madernizacyi — heta adno z pytańniaŭ, jakoje my majem namier abmierkavać ź ministram [Makiejem — RS]. Heta mahčymaść anhažavać pradstaŭnikoŭ biełaruskaha ŭradu na rabočym uzroŭni u dyjałoh ab tym, jakim čynam Jeŭraźviaz moh by dapamahčy ŭ madernizacyi Biełarusi. Hety dyjałoh ciapier my pravodzim z pradstaŭnikami hramadzianskaj supolnaści ŭ Biełarusi».
U adkaz kiraŭnik biełaruskaj dypłamatyi vykłaŭ svajo bačańnie miesca Biełarusi ŭ prahramie «Uschodniaje partniorstva» i roli jaje stasunkaŭ ź Jeŭraźviazam: «Ad samaha pačatku my byli raŭnapraŭnym partnioram va „Uschodnim partniorstvie“. My zastajemsia ŭ hetaj inicyjatyvie i budziem zastavacca, pakul, ja i nie viedaju, što moža zdarycca. Viedajecie, u našych adnosinach ź Jeŭraźviazam jość peŭnyja prablemy, ale ja dumaju, što nam treba vyrašyć hetyja prablemy spakojnym čynam u adkrytym dyjałohu. I ja spadziajusia, što taki dyjałoh adbudziecca ŭ nas zaŭtra sa spadaryniaj Eštan i kamisaram Štefanam Fiule. Ja dumaju, što nie izalacyja, a anhažavanaść u jeŭrapiejski intehracyjny praces moža dapamahčy našaj krainie stać demakratyčnaj i zamožnaj. Heta naša pazycyja».
Hledziačy pa ŭsim, aficyjny Minsk vykazvaje ciapier peŭnuju zacikaŭlenaść va ŭdziele ŭ «Dyjałohu ab madernizacyi Biełarusi», pra jaki kazaŭ jeŭrakamisar Fiule.
Pavodle infarmacyi Jeŭraradyjo u kancy studzienia biełaruski MZS vysłaŭ u stalicy jeŭrapiejskich krain listy sa svaimi prapanovami i patrabavańniami ŭdziełu ŭ prahramie.
«Biełaruski bok sapraŭdy dasyłaŭ svaje prapanovy, i, mahčyma, novaja infarmacyja źjavicca pa vynikach sustreč, što prachodziać hetymi dniami ŭ Tbilisi», — paviedamili Jeŭraradyjo ŭ pradstaŭnictvie JEZ u Biełarusi.
Siońnia ŭ Minsku namieśnica ministra zamiežnych spraŭ Biełarusi Alena Kupčyna sustrełasia z kiraŭnicaj pradstaŭnictva Jeŭraźviazu ŭ Biełarusi Majraj Moraj. U MZS padkreślili, što sustreča adbyłasia ź inicyjatyvy jeŭrapiejskaha boku. Na dumku ekśpiertaŭ, adnoj z temaŭ pieramovaŭ mahło stać vyklučeńnie ministra Makieja sa śpisu nieŭjaznych u Jeŭraźviaz.
