Kampanija «jo-aŭta» zapuścić vytvorčaść hibrydnych aŭtamabilaŭ nie raniej za sakavik 2015 hoda. Pra heta ŭ čaćvier, 14 lutaha, skazaŭ staršynia rady dyrektaraŭ kampanii Andrej Birukoŭ.
Budaŭnictva zavoda pa zborcy «jo-mabila» ŭ Sankt-Pieciarburhu, pa słovach Birukova, zavieršycca ŭ druhim paŭhodździ 2014 hoda. «Ciapier my całkam zaviaršyli vyprabavańni elektryčnaj tranśmisii, u nas idzie ŭsio ŭ hrafiku. Zaŭtra ŭ nas pasiadžeńnie rady dyrektaraŭ, tam my vyznačym datu i madel, jakuju pieršaj prezientujem u ramkach budučaj vytvorčaści», — zajaviŭ pradstaŭnik «jo-aŭta».
Pieršapačatkova zborku «jo-mabila» płanavałasia naładzić u Sankt-Pieciarburhu jašče ŭ 2012 hodzie. Z-za zryvu terminaŭ pa raspracoŭcy kuzava, jakuju daručyli zamiežnym partnioram kampanii,
źjaŭleńnie pieršych aŭtamabilaŭ pieranieśli na 2014–2015 hod. Andrej Birukoŭ, jaki zajmaŭ pasadu hienieralnaha dyrektara
«jo-aŭta», syšoŭ u adstaŭku.
Prajekt «jo-mabila» startavaŭ u 2010 hodzie pry supracoŭnictvie hrupy «Aneksim» Michaiła Procharava i aŭtamabilnaj kampanii «Jaravit Motars». «Jo-mabili» płanavałasia abstaloŭvać kampazitnymi kuzavami i hibrydnymi siłavymi ŭstanoŭkami, jakija pracavali b na hazie i bienzinie. Canu aŭtamabilaŭ mierkavałasia ŭstanavić u miežach 15 tys. dalaraŭ.
Na sajcie «jo-aŭta» ciapier zroblena zvyš 203 tysiač pieradzamovaŭ na rasijski hibryd.
U vieraśni 2012 hoda paviedamlałasia, što ŭ 2013 hodzie patencyjnym pakupnikam
«jo-mabila» zadavolać
test-drajv pieradsieryjnych aŭtamabilaŭ.
lenta.ru
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH