Čempijon śvietu pa bijatłonie (1999) i nieadnarazovy miedalist Vadzim Sašuryn rezka raskrytykavaŭ pracu Biełaruskaj fiederacyi bijatłona.«Štat fiederacyi bijatłona razdźmuty da niejmaviernych pamieraŭ. Takaja kolkaść pasad, što až śmiešna.
I pieršy, i dziasiaty kansultant, poŭna ekśpiertaŭ, pamočnik pamočnika, pierakładčyki i kuča namieśnikaŭ. Kaho tolki niama!Paradoks u tym, što heta nie daje vynikaŭ. U svoj čas, kali my zavajoŭvali miedali, u hetaj arhanizacyi pracavali piać čałaviek. Zrazumieła, što zaraz hrošy jość, ale asvojvać ich treba bolš racyjanalna. A tut aniekdot niejki», — skazaŭ Sašuryn u intervju vydańniu goals.by.
«Zrazumiejcie, kali zirnuć na ŭvieś kiraŭničy fundamient bijatłona, vy nie ŭbačycie tam byłych bijatłanistaŭ.
Niama ludziej, jakija prapuścili praź siabie ŭvieś praces raźvićcia bijatłanistaŭ. Usie, chto zaŭhodna, tolki nie tyja, chto sapraŭdy viedaje, jak zavajoŭvać miedali.Ja jašče ŭ vočy nie bačyŭ novaha staršyni».
Varta nahadać, što
ŭznačalvaje fiederacyju były staršynia KDB Vadzim Zajcaŭ, a namieśnikami źjaŭlajucca Viktar Viahiera (namieśnik staršyni KDB),Siarhiej Bacianoŭski (ziać Siarhieja Linha, menedžer «Technasajuzprybora», čałaviek blizki biznesoŭca Uładzimira Piefcijeva), Ihar Kuźniacoŭ (načalnik škoły KDB), Aleh Abyzaŭ (były namieśnik staršyni pamiežnaha kamiteta) i trenier Andryjan Cybulski.
U mužskim bijatłonie siońnia katastrafičnaja situacyja. Bijatłanisty redka traplajuć u pieršyja 40 pa vynikach honak. Tym nie mienš, pa słovach Sašuryna, pierad mužčynami pastaŭlena zadača zavajavać dva miedali na Alimpijadzie ŭ Sočy, što vyhladaje fantastykaj. Dośvied bijatłanistaŭ, što nieadnakroć brali ŭznaharody dla Biełarusi — Sašuryna, Ajdarava, Dračova — fiederacyjaj nie zapatrabavany.
0
0
0
0
0
0
