Krynica: Čynoŭniki rychtujuć ukaz, zhodna ź jakim hieahrafičnyja nazvy bolš nie buduć tranślitaravacca ź biełaruskaj movy 50

Rychtujecca novy ŭkaz, zhodna ź jakim buduć uniesienyja źmieny ŭ «Zakon ab nazvach hieahrafičnych abjektaŭ». Infarmacyju pra heta raspaŭsiudzili błohiery ŭ sacyjalnych sietkach. Dakładnaj infarmacyi pakul niama. Paviedamlajecca, u pryvatnaści, što nazvy pierastanuć tranślitaravać ź biełaruskaj, a buduć pierakładać.

Adpaviedna, nazvy pierastanuć užyvać biełaruskaj łacinkaj (zamiest Plošča Pieramohi stanuć pisać Ploshchad Pobedy abo Victory Square, a zamiest Niamiha — Nemiga).

Kali taki krok budzie zrobleny, heta stanie čarhovym zachadam, skiravanym na rusifikacyju Biełarusi.

Vykazvajecca mierkavańnie, što inicyjataram źmienaŭ staŭ hałoŭny minski ideołah i adnačasova lidar Kampartyi Ihar Karpienka.

Chadzili čutki, što jon navat nie ŭzhadniaje nadpisaŭ pa-biełarusku łacinkaj u mietro i na turystyčnych znakach — tak jana jamu była niaznosnaja.

Cikava, što kali takija źmieny ŭkazam uniasuć, heta zrobiać nasupierak mierkavańniu Tapanimičnaj kamisii pry Saŭminie, členy jakoj na pasiadžeńni 20 śniežnia, jak paviedamili błohiery, adzinahałosna prahałasavali suprać źmienaŭ u zakonie.

U Saŭminie adznačyli, što nad zakonam pracavali sotni ludziej na praciahu 20 hadoŭ, Zakon uzhodnieny ź śpiecyjalistami z roznych halin z usimi rajonnymi, abłasnymi i inšymi kiraŭnictvami. Zakon adpaviadaje mižnarodnym normam i patrabavańniam. Biełaruś padpisała šerah damoŭ ź JUNESKA i inšymi mižnarodnymi arhanizacyjami, jakija zaviazanyja na zakonie. Źmieny ŭ zakonie całkam skasujuć šmathadovuju pracu. Punkt 17, jaki vyklikaŭ niezadavalnieńnie «niekatorych čynoŭnikaŭ», byŭ padtrymany rašeńniem Kanstytucyjnaha sudu.

Siarod inšych, suprać źmieny isnaha paradku vystupili spadary Kuźniacoŭ, Čarniaŭski ad Ministerstva kultury, Ščasny ad Ministerstva zamiežnych spravaŭ, Kapyłoŭ ad Akademii navuk.

Prachodžańnie ŭkaza moža zaležać ad Alaksandra Radźkova.

Alaksandr Łukašenka nikoli nie vystupaje na biełaruskaj movie. Jon atačyŭ siabie ministrami i hienierałami, siarod jakich nivodzin nie havoryć pa-biełarusku publična. Zhodna sa źviestkami pierapisu, dola ludziej, jakija razmaŭlajuć doma pa-biełarusku, źniziłasia z 1999 da 2009 hadoŭ z 37 da 23%. Precedentaŭ takoha imklivaha zvužeńnia śfiery ŭžytku movy, badaj, u najnoŭšaj jeŭrapiejskaj historyi niama.

Publičnaja palemika vakoł tranślitaracyi nazvaŭ ź biełaruskaj aktyvizavałasia paśla taho, jak uzory takoj pieradačy źjavilisia ŭ mietro.

Čytaj jašče: Jak Onliner pisaŭ pra łacinku ŭ mietro: linhvistyčny ekśpierymient ci dyletancki ŭkid?

Mikoła Buhaj

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH