Muž majoj buchhałtarki, były vajskoviec, amatar pieryjadyčnaha ŭvachodu ŭ zapoi, uładkavaŭsia pracavać na małočnuju fiermu.Na inšych pracach nie zatrymlivaŭsia padoŭhu, bo kamu treba rabotnik, jaki moža źniknuć na tydzień-dva, a tut pryžyŭsia.
Žyvioła ŭtrymlivajecca ŭ strašennaj antysanitaryi, choładzie, u marazy kapyty prymiarzajuć da padłohi, dziva što, varoty na noč zaviazvajuć na viaroŭku, pałova dojnaha statku chvoraja na mastyt i inšyja chvaroby. Žyvioła trymajecca vyklučna na antybijotykach, paśla takich ukołaŭ navat lažačyja karovy ŭstajuć.
Jakoj jakaści doicca małako, sami razumiejecie. Tamu kali ŭkrainski nahlad vyjaŭlaje ŭ biełaruskich małočnych praduktach pavyšanaje ŭtrymańnie antybijotykaŭ, mianie heta nie ździŭlaje, tak jano i jość.I samaje śmiešnaje, što hetaja fierma znachodzicca ŭ niepasrednaj blizkaści ad lubimaj rezidencyi kiraŭnika krainy ŭ Astrašyckim Haradku, za jakija 3 km.
Pa rodzie svajoj pracy (razdrobny handal) raźbirajusia ŭ małočnych praduktach. Zaŭsiody, kali naviedvaju jakuju novuju kramu, cikaŭlusia asartymientam małočki, mo źjavilisia jakija navinki, što varta zamaŭlać i sabie.
Nie tak daŭno naviedaŭ Vilniu, dzie nie byŭ dziasiatak hadoŭ. Byŭ mocna ŭražany asartymientam miascovaj małočki, u 2-3 razy bolšym čym u Biełarusi.I heta pry tym, što ŭ nas nasielnictva, napeŭna, u 3 razy bolej i terytoryja značna bolšaja. A kali pakaštavali z žonkaj, dyk pryjšli da vysnovy, što i jakaść litoŭskaja značna lepšaja.
0
0
0
0
0
0
