Siońnia apošni dzień padačy dekłaracyj ab dachodach za 2012 hod 1

Siońnia apošni dzień, kali hramadzianie Biełarusi, jakija źjaŭlajucca padatkovymi rezidentami respubliki, mohuć pradstavić padatkovyja dekłaracyi ab dachodach, atrymanych u 2012 hodzie.

Ab hetym paviedamili ŭ pres-słužbie Ministerstva pa padatkach i zborach.

U MPZ padrabiazna raskazali, chto pavinien pradstaŭlać dekłaracyi ab dachodach.

Padatkaabkładańniu padlahajuć dachody, atrymanyja ad inšych fizičnych asob. Razmova idzie ab dachodach ad prodažu na praciahu 5 hadoŭ druhoj kvatery, druhoha žyłoha doma, druhoha haraža, druhoha ziamielnaha ŭčastka, druhoha sadovaha domika, druhoj dačy. Taksama heta datyčycca dachodaŭ ad prodažu nieruchomaj majomaści, nie pieraličanaj vyšej. Padavać dekłaracyju ab dachodach treba i fizičnym asobam, jakija pradali na praciahu kalandarnaha hoda hruzavy aŭtamabil, aŭtobus, druhuju lehkavuju mašynu, a taksama kali byli dachody ad realizacyi kaštoŭnych papier, majomasnych pravoŭ, dolej, pajoŭ u arhanizacyjach u vypadkach, ustanoŭlenych padatkovym zakanadaŭstvam.

Padatkaabkładańniu padlahajuć i dachody, atrymanyja za miažoj i (abo) z-za miažy Biełarusi.

Padajuć dekłaracyju ab dachodach fizičnyja asoby, atrymaŭšyja dachody ad hramadzian, jakija nie źjaŭlajucca indyvidualnymi pradprymalnikami, u vyhladzie dareńnia i (abo) u vyhladzie nieruchomaj majomaści pa dahavorach renty biaspłatna pry ŭmovie, što takija dachody ŭ ahulnaj sumie za hod pieravysili Br26,5 młn. Siudy ŭklučajucca i dachody, atrymanyja invalidami, niepaŭnaletnimi dziećmi — sirotami i dziećmi, jakija zastalisia biez apieki baćkoŭ, u vyhladzie biazvypłatnaj (sponsarskaj dapamohi) ad biełaruskich arhanizacyj i hramadzian Biełarusi pry ŭmovie, što takija dachody ŭ ahulnaj sumie za hod pieravysili Br53 młn.

Dekłarujucca dachody, atrymanyja ad zdačy ŭ arendu (subarendu), najom (padnajom) hramadzianam,

jakija nie źjaŭlajucca indyvidualnymi pradprymalnikami, žyłych i (abo) niežyłych pamiaškańniaŭ, jakija znachodziacca na terytoryi respubliki, pry ŭmovie, što takija dachody ŭ ahulnaj sumie za hod pieravysili Br26,5 młn. Heta datyčycca i dachodaŭ, kali hramadzianinu viarnuli ŭznosy pry spynieńni budaŭnictva kvater abo indyvidualnych žyłych damoŭ abo ŭ vypadku patańnieńnia budaŭnictva. Abo kali jon vybyŭ z členaŭ arhanizacyj zabudoŭščykaŭ da zaviaršeńnia budaŭnictva.

Dachody ŭ vyhladzie viartańnia strachavych uznosaŭ pry skasavańni da zakančeńnia trochhadovaha pieryjadu dahavoraŭ dobraachvotnaha strachavańnia, kali prymianiaŭsia sacyjalny padatkovy vylik, taksama dekłarujucca.

U MPZ rastłumačyli, chto źjaŭlajecca padatkovymi rezidentami Respubliki Biełaruś.

Imi pryznajucca fizičnyja asoby, jakija faktyčna znachodzilisia na terytoryi Biełarusi ŭ kalandarnym hodzie bolš jak 183 dni. Fizičnyja asoby, jakija faktyčna znachodzilisia za miežami terytoryi krainy 183 dni i bolš u kalandarnym hodzie, nie pryznajucca padatkovymi rezidentami.

U hetym hodzie nie paźniej za 1 sakavika padatkovuju dekłaracyju abaviazany padać hramadzianie, jakija atrymali ŭ 2012 hodzie dachody ŭ vyhladzie pazyk, kredytaŭ, pazyk ad zamiežnych arhanizacyj, jakija nie ažyćciaŭlajuć dziejnaści na terytoryi Respubliki Biełaruś praz pastajannaje pradstaŭnictva; zamiežnych indyvidualnych pradprymalnikaŭ (pryvatnych nataryusaŭ); fizičnych asob, jakija nie naležać da pastajanna pražyvajučych u Biełarusi.

Nazvanyja dachody nie padlahajuć dekłaravańniu, kali jany atrymany i pahašany (viernuty) na praciahu 2012 hoda abo kali jany atrymany ad asob, jakija znachodziacca z płacielščykam u adnosinach blizkaha svajactva.

Akramia taho, padatkovuju dekłaracyju ab dachodach, atrymanych u 2012 hodzie, mohuć padać hramadzianie, jakija majuć prava na atrymańnie padatkovych vylikaŭ

(standartnych, sacyjalnych, majomasnych, prafiesijnych), pry ŭmovie, što abaviazak pa pradastaŭleńniu takich vylikaŭ hramadzianam uskładzieny na padatkovyja orhany.

Forma dekłaracyi raźmieščana na aficyjnym sajcie Ministerstva pa padatkach i zborach. Dekłaracyja moža być pradstaŭlena płacielščykam (inšaj abaviazanaj asobaj) u padatkovy orhan asabista abo praz pradstaŭnika, nakiravana pa pošcie abo pieradadziena z dapamohaj prahramnych i techničnych srodkaŭ. Pa pytańniach zapaŭnieńnia padatkovych dekłaracyj i paradku pradstaŭleńnia padatkovych ilhot možna źviarnucca ŭ padatkovy orhan pa miescy žycharstva.-

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH