Pjany minčanin z dačkoj sprabavaŭ mima čarhi prarvacca cieraź litoŭska-biełaruskuju miažu 2

Pjany minski biźniesmien razam z dačkoj sprabavaŭ mima čarhi prarvacca cieraz litoŭska-biełaruskuju miažu i trapiŭ u milicyju.

Jak paviedamili ŭ pres-centry Dziaržaŭnaha pamiežnaha kamiteta Biełarusi, incydent zdaryŭsia kala 0.10 1 sakavika ŭ punkcie propusku «Katłoŭka».

Budučy napadpitku dyrektar staličnaj firmy viartaŭsia ź Litvy na «BMV-Ch6», za rulom jakoha znachodziłasia jaho 20-hadovaja dačka.

Mužčyna paličyŭ lišnim hublać čas u čakańni afarmleńnia i vyrašyŭ pierasiačy miažu pa-za čarhoj.

Jon daŭ kamandu dziaŭčynie abjechać aŭtamabili, što stajali ŭ čakańni afarmleńnia, a zatym zabaraniaŭ joj vykonvać patrabavańni pamiežnikaŭ ab vyzvaleńni prajeznaj častki, kab zabiaśpiečyć ruch u punkcie propusku.

Na miesca zdareńnia byli vyklikany supracoŭniki DAI.

U vyniku mužčyna pryciahnuty da administracyjnaj adkaznaści za parušeńnie PDR i drobnaje chulihanstva.

Jon zatrymany.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH