U Minsku 1 sakavika ŭ druhi raz uručana štohadovaja premija imia biełaruskaha palitołaha, vykładčyka Jeŭrapiejskaha humanitarnaha ŭniviersiteta Śviatłany Navumavaj.
Navumava, jakaja była adnoj z aktyvistak kampanii «Havary praŭdu!», pamierła 10 sakavika 2011 hoda na
U naminacyi «Palityčnaja žurnalistyka» pieramoh hrodzienski žurnalist Andrej Pačobut, ułasny karespandent «Haziety vyborčaj» u Biełarusi. U naminacyi «Palityčnaja analityka» premii ŭdastojeny kiraŭnik analityčnych prajektaŭ infarmacyjnaj kampanii BiełaPAN Alaksandr Kłaskoŭski. U naminacyi «Nadzieja: najlepšy małady palityk hoda» pieramoh lidar maładziožnaha niefarmalnaha abjadnańnia «Zmiena» Pavieł Vinahradaŭ.
Z troch pieramožcaŭ uznaharodu asabista zmoh atrymać tolki Alaksandr Kłaskoŭski. Andrej Pačobut nie moža pakinuć Hrodna, bo znachodzicca pad padpiskaj ab niavyjeździe. Jamu ŭznaharoda budzie ŭručana paźniej. Za Paŭła Vinahradava, jaki adbyvaje siamisutačny administracyjny aryšt, uznaharodu atrymała jaho žonka Śviatłana Vinahradava.
Charakterna, što
miedal dla premii stvaryŭ mastak Hienadź Łojka, jaki byŭ zatrymany 21 lutaha kala staličnaj himnazii № 4 za pikiet u padtrymku biełaruskaj movy i adsiedzieŭ piać sutak pa prysudzie suda Frunzienskaha rajona Minska.
Usiaho padčas vyłučeńnia pretendentaŭ u troch naminacyjach było nazvana 18 čałaviek. Dvoje naminantaŭ — Siarhiej Vaźniak i Ihar Drako — źniali svaje kandydatury, pakolki źjaŭlajucca členami kiraŭnictva «Havary praŭdu!».
Na praciahu miesiaca členy žury konkursu, kudy ŭvachodziać viadomyja palityki, vučonyja, dziejačy kultury, žurnalisty, vyvučali dziejnaść naminantaŭ i hałasavali.
U 2012 hodzie pieramožcami premii stali: u naminacyi «Palityčnaja žurnalistyka» — namieśnik hałoŭnaha redaktara haziety «Narodnaja vola» Śviatłana Kalinkina; u naminacyi «Palityčnaja analityka» — kaardynatar prajekta «Biełaruski štohodnik» Valeryja Kaściuhova; u naminacyi «Nadzieja — najlepšy małady palityk» — namieśnik staršyni mižnarodnaj hramadskaj arhanizacyi «Małady front» (Čechija) Anastasija Pałažanka.
Sustaršyniami arhkamiteta premii źjaŭlajucca prafiesar Uładzimir Dunajeŭ i lidar hramadzianskaj kampanii «Havary praŭdu!» Uładzimir Niaklajeŭ.
