Polskija pamiežniki pierachapili niepadalok Suvałak 2 lehkaviki ź biełaruskimi numarami pad zaviazku nabityja kantrabandnymi cyharetami na ahulnuju sumu kala 50 tysiačaŭ eŭra.
Dla kantrolu supracoŭniki pamiežnaj słužby spynili dźvie mašyny. Pabačyŭšy pamiežnikaŭ, kantrabandysty sprabavali biehčy. Ale biezvynikova.
Pavodle infarmacyi Padlaskaha pamiežnaha adździełu, padčas pravierki aŭtamabilaŭ vyjaŭlena bolš za 360 tysiačaŭ roznych marak cyharetaŭ biez akcyznych marak na polskaj movie.
Kantrabandaj byli zapoŭnienyja praktyčna ŭsie miescy, prydatnyja dla ŭtojvańnia pačkaŭ cyharet: stelažy, technalahičnyja adtuliny dźviarej, dyvanok i navat zadnija siadzieńni.
Hramadzianaŭ Biełarusi adpuścili da sudu. Mašyny skanfiskavali, ich mohuć pradać dziela kampensacyi budučych štrafaŭ.
0
0
0
0
0
0
