Z prośbaj dać Biełarusi kredyt na 2 młrd dołaraŭ biełaruskaja delehacyja pajedzie ŭSankt-Pieciarburh na pasiadžeńnie Vyšejšaha dziaržsavieta, jakoje projdzie 15 sakavika.
Jak paviedamlaje štotydniovik «Biełorusy i rynok», biełaruski bok užo padrychtavaŭ prajekt pahadnieńnia ab vydzialeńni Rasijaj dziaržaŭnaha kredytu ŭ 2 młrd dołaraŭ na madernizacyju ekanomiki.
Kiraŭnictva Biełarusi źviartajecca z prośbaj da RF vydzielić dziaržkredyt z mahčymaściu jaho pahašeńnia da 2027 hoda.Pryčym biełaruski bok maje namier pahasić kredyt 40 roŭnymi dolami, a pieršy płaciež — ažyćciavić u 2018 hodzie.
Źviartajučysia z prośbaj da kiraŭnictva RF ab dziaržkredycie, biełaruski bok nahadvaje pra raniej dasiahnutyja z rasijskim uradam damoŭlenaści pa realizacyi piaci sumiesnych intehracyjnych prajektaŭ.
Pra toje, što Rasija daść Biełarusi kredyt na 2 młrd. dołaraŭ pad madernizacyju pradpryjemstvaŭ, Alaksandr Łukašenka paviedamiŭ 21 śniežnia 2012 hodapadčas sustrečy sa studentami Biełaruskaha dziaržaŭnaha ŭniviersiteta infarmatyki i radyjoelektroniki. Pavodle jaho słoŭ, pra vydzialeńnie takoha kredytu išła razmova padčas vizitu ŭ Rasiju, jaki adbyŭsia napiaredadni.
0
0
0
0
0
0