Rasijski aŭtamabilny zavod «PSMA rus» u Kałuzie, jaki naležyć Peugeot-Citroen (70%) i Mitsubishi Motors (30%), 2 krasavika 2013 hoda zapuścić drobnavuzłavuju zborku siedanaŭ C4L, pra što paviedamiła pres-słužba Citroen.
U pres-słužbie nie ŭdakładnili padrabiaznaściaŭ zapusku, adznačyŭšy tolki, što pieradsieryjnaja zborka aŭtamabilaŭ užo idzie.
U studzienia 2013 hoda hienieralny dyrektar rasijskaha padraździaleńnia Citroen Žan-Łui Šamła paviedamlaŭ žurnalistam, što abjom vytvorčaści siedanaŭ Citroen C4L na rasijskim zavodzie «PSMA rus» u Kałuzie składzie kala 2–2,5 tysiač štuk u miesiac. U 2013 hodzie Citroen płanuje pavialičyć prodažy ŭ RF na 30%, skazaŭ tady hiendyrektar kampanii. Pavodle jaho słovaŭ, zapusk dźviuch novych madelaŭ — siedana Citroen C4L i Citroen C-Elysee — dazvolić kampanii dasiahnuć hetaj mety.
Žan-Łui Šamła taksama paviedamlaŭ, što prodažy Citroen na rasijskim rynku ŭ 2012 hodzie vyraśli na 19% i skłali 32 859 aŭtamabilaŭ. Pavodle jaho słovaŭ, samym pradavanym aŭtamabilem marki zastajecca Sitroen S4. U 2012 hodzie jaho prodažy vyraśli na 25% u paraŭnańni z anałahičnym pieryjadam minułaha hoda i skłali 13 218 aŭtamabilaŭ suprać 10 542 u 2011 hodzie. Na kaniec 2012 hoda dola Sitroen S4 u ahulnym abjomie prodažaŭ kampanii skłała 40%.
Peugeot i Mitsubishi adkryli SP u Kałužskaj vobłaści ŭ krasaviku 2010 hoda. Abjom inviestycyj u prajekt — 470 młn jeŭra. Z 2010 pa 2012 hod było vyrablena bolš za 99 tys. aŭtamabilaŭ. Na kaniec 2013 hoda pryznačanaje pašyreńnie vytvorčaści. Ahulnaja płošča vytvorčaści — 130 tys. kvadratnych mietraŭ. Na zavodzie buduć pracavać dźvie linii kuzaŭnoha cecha, adna linija farbavalnaha cecha i dźvie linii zboračnaha cecha. Da 2015 hoda zavod vyjdzie na mahutnaść u 125 tys. aŭtamabilaŭ za hod. Ciapier zavod źbiraje aŭtamabili Peugeot 408 i Mitsubishi Outlander u režymie drobnavuzłavoj zborki, u lipieni 2013 zapłanavany start vytvorčaści Mitsubishi Pajero Sport.
