Mienski haradzki sud pad staršynstvam Michaiła Basava całkam zadavoliŭ pryvatnuju skarhu byłoha studenta Akademii kiravańnia pry prezydencie Juryja Alejnika.
Student‑vydatnik byŭ adličany z 4‑ha kursu Akademii 15 traŭnia 2007 hodu nibyta za prahuły. Adnak Juryj Alejnik ličyć, što sapraŭdnaja pryčyna adličeńnia — jahonaja hramadzianskaja pazycyja i palityčnyja pohlady. Pavodle siońniašniaha rašeńnia Mienharsudu sprava Juryja Alejnika viartajecca znoŭ na razhlad u sud pieršaj instancyi.
5 lipienia 2007 hodu sud Kastryčnickaha rajonu Miensku spyniŭ vytvorčaść u pazovie Juryja Alejnika da Akademii kiravańnia pry prezydencie. Sud paličyŭ hetuju spravu niepadviedamasnaj jamu.
U krasaviku 2007 hodu Jury Alejnik udzielničaŭ u zbory podpisaŭ pad zarotam da deputataŭ Pałaty pradstaŭnikoŭ za zachavańnie sacyjalnych ilhotaŭ studentam.
Jury Alejnik źjaŭlajecca staršyniom Mienskaj abłasnoj arhanizacyi «Tavarystva biełaruskaj movy imia Francyska Skaryny».