Sioleta jon abiacaje stać jašče bolš značnym, bo źbiare ŭdzielnikaŭ rycarskich kłubaŭ nie tolki ź Biełarusi, ale i z Čechii, Polščy, Ukrainy, Rasii, Prybałtyki i mnohich inšych krain. Našu krainu pradstaviać takija viadomyja kłuby, jak «Unija Mieč i Krumkač», «Orden Paŭnočnaha Chrama» (usiaho kala 30 biełaruskich kalektyvaŭ z Lidy, Baranavič, Mahilova, Hrodna, Bresta, Pinska, Homiela).
Fiestyval siaredniaviečnaj kultury pravodzicca, u pieršuju čarhu, u sacyjalnych metach i nakiravany na patryjatyčnaje vychavańnie moładzi, papularyzacyju historyi Biełarusi.
Ažyćciaŭlajuć mierapryjemstva arhanizatary Šaviel A.N. i Bojka A.F. (dyrektar i kamiercyjny dyrektar fiestyvalu «Biełaruś siaredniaviečnaja») sumiesna z zasnavalnikami: Dabračynnym fondam dapamohi voinam‑internacyjanalistam «Pamiać Afhana» i UČRP telekampanijaj «TKD‑7».
Dva dni na centralnaj placoŭcy historyka‑kulturnaha kompleksu «Linija Stalina» budzie prachodzić efiektnaje siaredniaviečnaje šoŭ. Užo z 12 hadzin pačnie svaju rabotu «horad majstroŭ», paśla čaho adbudziecca ŭračystaje adkryćcio fiestyvalu z udziełam lepšych tancavalnych i muzyčnych siaredniaviečnych kalektyvaŭ.
U pieršy dzień možna budzie ŭbačyć niezabyŭny rycarski turnir pa ChIII stahodździu, u jakim prymuć udzieł samyja talenavityja i artystyčnyja rycary našaha času. Tut užo śmieła možna havaryć «biez strachu i paproku». Miž inšym, usio adzieńnie, daśpiechi i atrybutyka vyrablajecca ŭdzielnikami kłubaŭ uručnuju i tolki pa dakładnych histaryčnych krynicach. Paśla bitvy budzie vyznačany lepšy bajec (sudziać pa majsterstvu i kurtuaznasci), jakomu treba budzie vybrać karalevu pryhažosci.
Pradoŭžać śviata buhurty — schvatki dźviuch rycarskich armij, jakija naličvajuć pa mienšaj miery 200 čałaviek! Spaborničać daviadziecca ŭ niekalkich naminacyjach, siarod jakich «zachop ściaha», «zachop karala», «palavaja schvatka».
Asabliva niezabyŭnym abiacaje być vohniennaje šoŭ.
Druhi dzień nie stanie mienš cikavym i zachaplalnym. Zusim naadvarot. Paśla vialikaha turniru łučnikaŭ i arbaletčykaŭ za załatuju strału projdzie rycarski turnir, u jakim prymuć udzieł sapraŭdnyja rycary, zakavanyja ŭ daśpiechi z noh da hałavy (adzin ščyt u dyjamietry kala mietra!). Pieramožcu ŭznaharodziać hałoŭnym pryzam fiestyvalu — załatoj karonaj.
Kulminacyjaj śviata pa pravu možna ličyć šturm siaredniaviečnaha zamka. Heta budzie pa‑sapraŭdnamu žorstkaja bitva za zachop ściaha na hałoŭnaj viežy zamka z prymianieńniem siakier, alebard, katapult, harmat i ścienabitnych mašyn. I heta zadača nie ź lohkich: praciŭnik pieršapačatkova pavinien zachapić most, zatym palisad i tolki paśla hetaha budzie mieć mahčymaść šturmavać zamak. U bitvie prymuć udzieł dźvie armii, jakija tradycyjna dzielacca na voinaŭ Vialikaha kniastva Litoŭskaha i na voinaŭ‑kryžanoscaŭ.
Zavieršyć jarki fiestyval uračystaje zakryćcio i finalny kancert.