Hienieralnaja prakuratura Šviecyi abviaściła 19 sakavika pra pačatak rasśledavańnia pa spravie ab niezakonnym pierasiačeńni ŭ pačatku lipienia 2012
U pačatku studzienia 2013 litoŭskaja Hienprakuratura, jakuju biełaruskija ŭłady zaklikali rasśledavać incydent, zajaviła, što praviała usie mahčymyja dziejańni ŭ ramkach kryminalnaha pracesu, a dalejšy kryminalny pieraśled mahčymy tolki ŭ Šviecyi. Litoŭskija prakurory pryznali padazravanymi dvuch čałaviek, žycharoŭ Šviecyi. U suviazi z hetym Litva źviarnułasia ŭ kampietentnyja orhany Šviecyi z prośbaj praciahnuć kryminalnaje rasśledavańnie.
«U adpaviednaści ź mižnarodnymi damovami, pamiž Šviecyjaj i Litvoj isnuje pravavaja baza dla praviadzieńnia rasśledavańnia šviedskim bokam, uličvajučy toje, što havorka idzie pra šviedskich hramadzianaŭ», — cytuje ahienctva Frans Pres siońniašniuju zajavu šviedskaj hienprakuratury. Charakterna, što
raniej u biuro prakurora Stakholma zajaŭlali, što šviedskaja justycyja nie maje pramoha dačynieńnia da spravy ab «plušavym desancie», pakolki incydent adbyŭsia za miažoj.
Adnamatorny samalot sa šviedskim ekipažam z supracoŭnikaŭ kampanii Studio Total niesankcyjanavana pierasiok pavietranuju miažu Biełarusi ranicaj 4 lipienia. Jon prabyŭ u pavietranaj prastory krainy paŭtary hadziny, skinuŭšy nad Iviancom i ŭskrainaj Minska bolš za 800 plušavych miedźviedzianiat z cydułkami ŭ padtrymku demakratyi ŭ Biełarusi. Niahledziačy na toje, što vajennyja i pamiežniki admaŭlali parušeńnie dziaržmiažy, pa dadzienym fakcie była ŭzbudžanaja kryminalnaja sprava. 13 lipienia ŭ ramkach rasśledavańnia byŭ zatrymany
U lutym 2013 staršy praparščyk pahransłužby, jaki nie paviedamiŭ vajennym ab pierasiačeńni miažy šviedskim samalotam ranicaj 4 lipienia 2012 hoda, prysudžany da dvuch hadoŭ pazbaŭleńnia voli z adbyćciom pakarańnia ŭ kałonii ŭzmocnienaha režymu.