«Prymityŭnyja abmieny — heta nie styl Jeŭrasajuza» — tak prakamientavaŭ dakładčyk delehacyi Jeŭraparłamienta pa Biełarusi, namieśnik kiraŭnika delehacyi JEP pa suviaziach ź Biełaruśsiu litoviec Justas Paleckis zaściarohi, vykazanyja 18 sakavika Andrejem Sańnikavym u intervju sajtu sharter97.org.
«Nakolki mnie viadoma, takoha abmienu nie było. I ja nie dumaju, što jon moža być. Chacia, pryznajusia, mnie daloka nie ŭsio viadoma pra pieramovy ES ź Minskam», — skazaŭ Paleckis.
usio ž ruchacca napierad i dumać pra toje, što było b lepš hramadzianam Biełarusi i hramadzianam Jeŭrasajuza», — padkreśliŭ jon.«Naohuł prymityŭnyja abmieny — heta nie styl Jeŭrasajuza. Styl Jeŭrasajuza, na moj pohlad — stvarać umovy, kab, kali niama kardynalnych pieraškodaŭ,
Pad «kardynalnymi pieraškodami» majecca na ŭvazie najaŭnaść palitviaźniaŭ, patłumačyŭ Paleckis.
«Mahu skazać, što prykmiety ŭmoŭnaha paciapleńnia ŭ adnosinach biełaruskich uładaŭ ź Jeŭropaj jość, chacia heta daloka jašče nie viasna. Ja, u pryvatnaści, źviazvaju nadziei z tym, što Litva chutka budzie staršynstvavać u Jeŭrasajuzie. Pryznačany na vosień Vilenski samit Uschodniaha partniorstva — heta kankretnyja rečy, kankretnyja šancy», — zaznačyŭ litoŭski jeŭradeputat.
«Prezident, ministr zamiežnych spraŭ Litvy značna lepš za inšych palitykaŭ 27 krain ES viedajuć, razumiejuć stanovišča ŭ Biełarusi. I, moža, niejkaje šostaje pačućcie ŭ hetym vypadku zdolnaje dapamahčy, kab spravy zrušylisia ŭ lepšy bok. Chacia mnohaje budzie zaležać ad pazicyi Minska», — padkreśliŭ Justas Paleckis.
Paleckis znachodzicca ŭ Minsku z 18 pa 21 sakavika. Jon vyvučaje situacyju ŭ krainie, kab padrychtavać dakład, zaklikany lehčy ŭ asnovu rekamiendacyj Jeŭraparłamienta pa biełaruskim pytańni dla Jeŭrakamisii i Savieta ES. Padčas vizitu jeŭradeputat sustrakajecca z aficyjnymi asobami i pradstaŭnikami hramadzianskaj supolnaści Biełarusi.
