Minskaja DAI skłała śpis vulic, dzie najbolš niebiaśpiečnyja darožnyja jamy 4

Jak paviedamili va ŭpraŭleńni DAI HUUS Minharvykankama, napiaredadni viesnavoha ramontu daroh inśpiektary z dapamohaj fotaaparataŭ i mabilnych telefonaŭ fatahrafujuć najbolš prablemnyja miescy darožnaha pałatna i infarmujuć kamunalnyja słužby.

Za tydzień uzmocnienaha manitorynhu za najaŭnaść avaryjna-niebiaśpiečnych jam składziena 15 pratakołaŭ na słužbovych asob i vydadziena 40 pradpisańniaŭ na likvidacyju darožnych niedachopaŭ. Praca pa vyjaŭleńni darožnych jam budzie praciahvacca i nadalej.

Zhodna ź infarmacyjaj DAI, na siońnia samyja niebiaśpiečnyja vulicy:

u Zavodskim rajonie — Achockaja, Žyłunoviča, Kleckaja, Aŭezava; u Leninskim — Haraŭca, prajezd Kłubny, Prušynskich, padjom na ŭnutranaje kalco MKAD ź Ihumienskaha traktu; u Kastryčnickim — praśpiekt Žukava, Łandara; u Partyzanskim — Čabatarova, Stachanaŭskaja; u Pieršamajskim — Hierojaŭ 120-j dyvizii, Starynaŭskaja, Pracoŭnyja reziervy; u Savieckim — Bahdanoviča, Izmajłaŭskaja, Kulman; u Maskoŭskim — Słabodskaja-Kasmanaŭtaŭ-da Jasienina, Siamaški — praśpiekt Dziaržynskaha da praśpiekta Lubimava, Hrušaŭskaja; u Frunzienskim — Hurskaha, Žebraka; u Centralnym — Hvardziejskaja, Internacyjanalnaja, Sapioraŭ.

Samaja vialikaja kolkaść jam u Minsku na vulicach Hurskaha, Staletava, Paštovaja, Sołtysa, Vaŭpšasava.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH