Načalnik adździeła ZŠA i Kanady ŭpraŭleńnia Amieryki MZS Biełarusi Siarhiej Račkoŭ pravioŭ šerah sustreč z pradstaŭnikami Dziarždepartamienta i kanhresa ZŠA, a taksama amierykanskaj analityčnaj supolnaści. Pra sustrečy, jakija adbylisia 26–27 sakavika ŭ Vašynhtonie.
U sustrečach uziaŭ udzieł časovy pavierany ŭ spravach Biełarusi ŭ ZŠA Aleh Kraŭčanka.
Padčas sustreč z kiraŭnikami rehijanalnaha i profilnych ofisaŭ Dziarždepartamienta ZŠA adbyŭsia «adkryty i kanstruktyŭny abmien mierkavańniami pa šyrokaj prablematycy dvuchbakovych adnosin i niekatorych mižnarodnych temach».
«Baki abmierkavali aktualnyja pytańni dvuchbakovych palityčnych i ekanamičnych adnosin, prablematyku pravoŭ čałavieka, mižnarodnaj biaśpieki i nieraspaŭsiudžvańnia zbroi masavaha źniščeńnia, baraćby z handlem ludźmi, hłabalnaha prasoŭvańnia pytańniaŭ hiendarnaj roŭnaści, u tym liku šlacham pašyreńnia ŭdziełu žančyn u pradprymalnickaj dziejnaści. Byli ŭvažliva razhledžany mahčymaści realizacyi sumiesnych humanitarnych prajektaŭ u halinie achovy zdaroŭja, sacyjalnaj abarony nasielnictva, adukacyi ŭ Biełarusi», — havorycca ŭ paviedamleńni.
Račkoŭ taksama prainfarmavaŭ pradstaŭnikoŭ Dziarždepartamienta ab pracy biełaruskaha boku pa dałučeńni Biełarusi da Suśvietnaj handlovaj arhanizacyi. Dziarždepartamient ZŠA padzialiŭsia vopytam svajho ŭzajemadziejańnia sa srodkami masavaj infarmacyi.
U sustrečach u Dziarždepartamiencie taksama ŭziali ŭdzieł pradstaŭniki Savieta nacyjanalnaj biaśpieki i Ministerstva finansaŭ ZŠA. Baki damovilisia ab dalejšym abmienie rabočymi vizitami z metaj raźvićcia
