Siarhiej Vaźniak: «Schod prajšoŭ całkam u adpaviednaści z usimi normami zakonu. Ciaham miesiaca buduć padadzienyja dakumenty ŭ Ministerstva justycyi na rehistracyju».
Heta budzie treciaj ź listapada 2010 hodu sprobaj «Havary praŭdu» atrymać rehistracyju. Raniej minjust admaŭlaŭ u rehistracyi abjadnańnia na toj padstavie, što zasnavalniki nie padali dadatkovyja zapytanyja materyjały. Miž tym hetyja materyjały znachodzilisia ŭ ofisie kampanii «Havary praŭdu!», jaki byŭ apiačatany paśla padziej 19 śniežnia 2010 hodu.
Druhaja sproba «Havary praŭdu» zarehistravacca była zroblena paśla ŭstanoŭčaha schodu, jaki prajšoŭ u červieni 2011 hodu. Hetym razam minjust admoviŭ na toj padstavie, što nie byli padadzienyja dakumenty, jakija b paćvierdzili prava na pamiaškańnie ź jurydyčnym adrasam.
Kiraŭnikom hramadzkaha abjadnańnia «Havary praŭdu» znoŭ abrany były kandydat na prezydenta, znany biełaruski paet Uładzimier Niaklajeŭ.
